ᐱᕙᓪᓕᐊᔪᑦ 2011
ᐱᕙᓪᓕᐊᔪᑦ 2010
ᐱᕙᓪᓕᐊᔪᑦ 2009
ᐱᕙᓪᓕᐊᔪᑦ 2008

ᐊᐅᓚᔪᒃᑯᑦ ᑕᕐᕆᔮᓕᐅᕈᑎ ᐅᖄᓚᐅᑎᒃᑯᓪᓗ ᐊᑐᒐᒃᓴᐅᔪᓐᓇᖅᑐᑦ ᓴᖅᑭᔮᖅᑎᑕᐅᓂᐊᖅᑐᑦ

ᑕᖅᑭᓂ ᐊᑐᖅᑕᑦᑎᓐᓂ, SSI Micro-ᑯᑦ ᐆᒃᑐᕋᖃᑦᑕᖅᓯᒪᖕᒪᑕ ᐃᑭᐊᖅᑭᔾᔪᑎᑎᒍᑦ (ᖃᕋᓴᐅᔭᒃᑯᑦ) ᑲᑎᒪᔪᓐᓇᐃᑎᓂᒃ ᐃᖅᑲᓇᐃᔭᕐᕕᒃᑎᒍᑦ (MOB), ᖃᕋᓴᐅᔭᒃᑯᑦ ᐃᓕᔭᒃᓴᒥ ᑕᐃᒫᒃ ᑮᓇᐅᔭᐃᓗᐊᕐᓇᖏᑦᑐᖅ ᑕᑯᒃᓴᐅᑦᓴᐅᑎᒋᓗᑎᒃ ᑲᑎᒪᖃᑎᖃᕈᓐᓇᐅᑎᐅᓂᐊᕐᒪᑦ ᐊᐅᓪᓚᖐᓐᓇᕐᓗᑎᒃ. ᑖᓐᓇ ᓄᑖᖅ ᐊᐅᓚᔪᒃᑯᑦ ᑕᕐᕆᔭᐅᑎᑎᒍᓪᓗ ᐱᔨᑦᓯᕈᑎ ᐊᓚᒃᑲᐅᒪᑎᑕᐅᓂᐊᕐᒪᑦ ᐃᖃᓗᖕᓂ ᐊᕐᕌᒍᕆᔭᑦᑎᓐᓂ ᓇᖕᒥᓂᓖᑦ ᐊᓚᒃᑲᐅᒪᑎᑦᓯᑎᓪᓗᒋᑦ, ᓴᑉᑕᒻᒪ 28-29, 2011. ᑕᐃᒪᑦᑕᐅᖅ ᖃᕋᓴᐅᔭᒃᑯᑦ ᐃᑲᓂ ᑲᑎᕝᕕᒃᓴᒥ ᓴᓂᕐᕙᐃᓯᒪᔪᑦ ᐱᔨᑦᓯᕈᑎᖏᑦ, SSi-ᑯᑦ ᓄᑖᓂ ᓂᐱᓕᐅᕈᑎᑎᒍᑦ ᐱᔭᒃᓴᐅᔪᓂ ᓴᖅᑭᔮᖅᑎᑦᑎᓛᕆᕗᑦ ᐊᖏᕐᕋᒥ ᑎᒍᒥᐊᖃᑦᑖᓂᓗ (ᓇᒃᓴᑲᑕᓂ) ᐅᖄᓚᐅᑎᕋᓛᓄᑦ ᐊᑐᒐᒃᓴᐅᔪᓂ ᓄᓇᕗᒥ. ᑕᒪᒃᑮᒃ ᑕᕐᕆᔭᐅᕈᓐᓇᐅᑎᑎᒍᑦ ᐅᖄᓚᐅᑎᒃᑯᓪᓗ ᐊᑐᒐᒃᓴᐅᔪᑦ ᐋᖅᑭᒃᑎᖅᓯᒪᓂᐊᕐᒪᑕ ᓈᒻᒪᓈᖅᓯᒪᓪᓗᑎᒃ ᕿᓂᖅ ᐊᖅᑯᑎᖏᓐᓄᑦ, ᑕᐃᒫᒃ ᖃᖓᑦᑕᖅᑎᑕᐅᓯᒪᔪᖁᑎᖓᒍᑦ ᐊᖅᑯᑎᖃᕈᓐᓇᖁᓪᓗᒍ ᐊᔪᕐᓇᕈᓐᓃᖅᓯᒪᔪᖅ ᓄᓇᕗᒥ ᓇᖕᒥᓂᖃᖅᑐᓄᑦ ᐱᕙᓪᓕᐊᑎᑦᓯᔨᒃᑯᑦ ᐋᖅᑭᐅᒪᔪᖁᑎᒃᓴᖏᓐᓄᑦ ᐱᓕᕆᐊᖓᑎᒍᑦ II-ᒥ.

ᓇᖕᒥᓂᖃᖅᑐᓄᑦ ᐱᓕᕆᕕᐅᔪᓄᓪᓗ ᑕᕐᕆᔭᐅᑎᑎᖑᑦ ᑲᑎᒪᖃᑎᖃᕈᓐᓇᕐᓂᖅ, ᐅᕙᓂᓗ ᖃᕋᓴᐅᔭᒃᑯᑦ ᑲᑎᑦᑐᓐᓇᖅᑐᑦ, ᓴᖅᑭᑕᐅᒋᐊᕐᖓᓚᐅᖅᓯᒪᖕᒪᑦ 2010-ᒥ ᓄᓇᕗᒥ ᓇᖕᒥᓂᖃᖅᑎᑦ ᓴᖅᑭᔮᖅᑎᑦᑎᓂᖃᖅᑎᓪᓗᒋᑦ. ᑕᒪᓐᓇ ᐃᖅᑲᓇᐃᔭᕐᕕᖕᒥ ᐱᓕᕆᑦᑎᐊᕈᓐᓇᐅᑎᐅᑲᓐᓂᕈᑕᐅᒋᐊᓚᐅᖅᑐᖅ, ᖃᖓᑕᔭᕆᐊᖃᖃᑦᑕᕐᓂᖏᓪᓗ ᒥᑭᓪᓕᒋᐊᖅᑕᐅᓗᑎᒃ ᐊᓪᓚᕕᖃᕈᑎᓄᓪᓗ ᑮᓇᐅᔭᖅᑐᕈᑎᖏᑦ ᒥᑭᓪᓕᒋᐊᖁᓪᓗᒋᑦ ᓲᕐᓗ ᐅᖓᓯᒃᑐᒨᕈᑎᑦ ᐅᖄᓚᐅᑎᓂ ᐊᓪᓚᕕᖕᒧᑦ ᐅᖄᓚᒍᑎᐅᓲᓄᑦ. ᑕᑯᔭᖅᑐᓛᖅᐸᐃᑦ SSi-ᑯᑦ ᓵᖓ ᐊᕐᕌᒍᕆᔭᑦᑎᓐᓂ ᓄᓇᕗᒥ ᓇᖕᒥᓂᖃᖅᑎᐅᔪᑦ ᓴᖅᑭᔮᖅᑎᑦᑎᓂᖃᖅᑎᓪᓗᒋᑦ ᑕᐅᑐᓛᕋᕕᑦ ᖃᓄᖅ ᐊᑐᒐᒃᓴᐅᖕᒪᖔᑕ ᐱᔭᒃᓴᐅᖕᒪᖔᑕᓘᓐᓃᑦ ᐅᕝᕙᓘᓐᓃᑦ ᓴᓐ ᕈᕆᓴᓐ ᑐᕌᕐᕕᒋᓗᒍ ᑎᑎᕋᕐᕕᒋᔪᓐᓇᖅᑕᑦ rorison@qiniq.com.

ᖃᕋᓴᐅᔭᒃᑯᑦ ᓱᒃᑲᔪᒃᑯᑦ ᐱᔨᑦᑎᕋᐅᑎᑖᖅᑲᐅᖅ ᑭᐅᔾᔪᑕᐅᕗᖅ ᑭᒃᑯᓕᒫᑦ ᐱᔪᒪᓯᒪᔭᖏᓐᓂᒃ ᓄᓇᕗᒻᒥ

ᐃᖃᓗᐃᑦ, ᓄᓇᕗᑦ, ᓯᑉᑎᒻᕙ 22, 2010 – ᐱᓕᕆᕕᓖᑦ ᑲᑐᔾᔨᖃᑎᒌᓪᓗ ᓄᓇᕗᒻᒥ ᒫᓐᓇ ᐊᑐᕈᓐᓇᕐᓯᒋᕗᑦ ᐱᐅᓂᕐᐹᒥᒃ ᐊᐅᓚᑦᑎᕕᒻᒥ ᐱᓕᕆᔾᔪᑎᒥᒃ ᖃᕋᓴᐅᔭᒃᑯᑦ ᑐᓴᕐᓴᐅᓗᑎᒃ-ᑕᑯᔅᓴᐅᓗᑎᓪᓗ ᑲᑎᒪᖃᑦᑕᓂᕐᒥᒃ. ᐊᒻᒪᓗᑦᑕᐅᖅ, ᑕᒪᒃᑮᒃ ᐊᐅᓚᑦᑎᕖᑦ ᓄᓇᓖᓪᓗ ᐊᑐᕈᓐᓇᖃᑦᑕᕐᓂᐊᓕᕐᒥᔪᑦ ᓄᑖᕐᒥᒃ ᐊᓯᐊᓅᖅᑲᐃᑎᑦᑎᔾᔪᑎᒥᒃ ᐊᖏᔫᑎᓂᒃ ᖃᕋᓴᐅᔭᕐᒦᑦᑐᖁᑎᖏᓐᓂᒃ. ᑖᒃᑯᐊ ᓄᑖᑦ ᖃᕋᓴᐅᔭᒃᑯᑦ ᓱᒃᑲᔪᒃᑯᑦ ᐱᔨᑦᑎᕋᐅᑎᑖᖅᑲᐅᑦ ᓴᓇᔭᐅᓯᒪᔪᑦ ᖁᔭᓐᓇᒦᖅᑐᒋᓪᓗ ᑲᑐᔾᔨᖃᑎᒌᑦᑐᑎᒃ ᐃᑲᔪᕐᓯᒪᓂᖏᓐᓄᑦ ᑖᒃᑯᐊ ᑲᓇᑕᐅᑉ ᒐᕙᒪᒃᑯᖏᑦ, ᓄᓇᕗᑦ ᒐᕙᒪᒃᑯᖏᑦ, ᓄᓇᕗᒻᒥ ᖃᕆᑕᐅᔭᒃᑯᑦ ᓱᒃᑲᔪᒃᑯᑦ ᐱᕙᓪᓕᐊᔪᓕᕆᔩᑦ ᑎᒥᖓᑦ, ᐊᒻᒪᓗ ᐊᐅᓚᑦᑎᔨ ᕿᓂᖅ ᖃᕋᓴᐅᔭᓕᕆᔾᔪᑎᖓᓐᓂᒃ, SSi Micro Ltd. 2010_Sept22_NewsRelease.pdf

ᖃᕋᓴᐅᔭᒃᑯᑦ ᑐᓴᐅᒪᖃᑎᒌᓐᓂᕐᒧᑦ ᐅᓪᓗᒥᒧᑦ ᑎᑭᓪᓗᒍ ᖃᓄᐃᓕᐅᖅᓯᒪᓕᕐᒪᖔᑕ ᐱᑐᐃᓐᓇᕆᐊᖃᓕᖅᐳᖅ ᓄᓇᕗᑦᒧᑦ

ᐃᖃᓗᐃᑦ – (ᑎᓯᐱᕆ 3, 2009) ᓄᓇᖃᑦᑎᐅᔪᑦ ᓄᓇᓕᓐᓂ ᓄᓇᕗᓗᒃᑖᒥ ᒫᓐᓇᕈᓗᒃ ᐊᑲᐅᓂᖅᓴᒥᒃ ᐊᑐᕈᓐᓇᓂᐊᖅᐳᑦ ᐋᖅᑭᒋᐊᖅᓯᒪᓂᖅᓴᐅᔪᒥᒃ ᑖᒃᑯᑎᒎᓇ ᕿᓂᖅ ᖃᕋᓴᐅᔭᒃᑯᑦ ᐱᔨᑦᑎᕋᐅᑎᖏᑎᒍᑦ, ᖁᔭᓕᓪᓗᑕ ᐃᓚᐅᖃᑕᐅᔪᓐᓇᕐᓂᖏᓐᓄᑦ ᑲᓇᑕᐅᑉ ᒐᕙᒪᖓ, ᓄᓇᕗᑦᒥ ᓱᒃᑲᔪᒃᑯᑦ ᖃᕋᓴᐅᔭᓕᕆᓂᕐᒧᑦ ᐱᕙᓪᓕᐊᔪᓕᕆᔨᒃᑯᑦ ᑎᒥᖓᑦ (NBDC), ᐊᒻᒪᓗ ᐊᐅᓚᑦᑎᔨᐅᔪᖅ ᕿᓂᖅ ᐱᓕᕆᔾᔪᑎᖏᓐᓂᒃ, SSi Micro ᓕᒥᑎᑦ.

ᑕᑯᓗᒍ ᐱᕙᓪᓕᐅᔪᑦ ᓴᖅᑭᖅᑕᐅᔪᑦ: [PDF]

NBDC-ᑯᑦ ᐊᒻᒪᓗ QEC-ᑯᑦ ᐋᖅᑭᖃᑎᒌᓐᓂᖓ

ᐃᖃᓗᐃᑦ (ᓯᑎᐱᕆ 2009) – NBDC-ᑯᑦ ᐊᒻᒪᓗ ᖁᓪᓕᖅ ᐆᒪᖅᑯᑎᓕᕆᔨᒃᑯᑦ ᑯᐊᐳᕇᓴᓐ ᐋᖅᑭᖃᑎᒌᓯᒪᓕᖅᐴᒃ ᐊᐃᕙᔾᔪᑎᒋᓚᐅᖅᑕᒥᓂᒃ ᓯᓚᑖᒍᑦ ᐃᖅᑲᑦᑐᐃᕕᐅᑉ. ᑲᑎᒪᔩᑦ ᐊᒻᒪᓗ ᐱᓕᕆᔨᐅᔪᑦ NBDC-ᑯᓐᓂ ᖁᔭᓐᓇᒦᕈᒪᕗᑦ ᐊᒥᓱᓂᒃ ᐃᓄᓐᓂᒃ ᐃᑲᔪᓚᐅᖅᑐᓂᒃ ᑖᒃᑯᓂᖓ ᒪᕐᕈᐃᓂᒃ ᐊᖏᖃᑎᒌᒐᓱᐊᖅᑑᓐᓂᒃ. ᑕᒪᕐᒥᒃ ᐃᖅᑲᑦᑐᐃᕕᒃᑰᕈᑎᐅᓇᓱᐊᖅᓯᒪᔪᑦ ᖁᔭᓈᖅᑕᐅᓯᒪᓕᖅᐳᑦ, ᐊᒻᒪᓗ ᑕᒪᕐᒥᒃ ᐸᐃᑉᐹᓕᕆᓂᐅᔪᑦ ᐊᒻᒪᓗ ᑮᓇᐅᔭᓕᕆᓂᕐᒧᑦ ᐊᑐᖅᑕᐅᔭᕆᐊᖃᓚᐅᖅᑐᑦ ᐃᓚᒋᓪᓗᓂᐅᒃ ᐊᖏᖃᑎᒌᐅᑕᐅᓇᓱᐊᖅᑐᒧᑦ ᐱᐊᓂᒃᑕᐅᓯᒪᓕᖅᑐᑦ ᐋᒋᓯᒥ 31, 2009

ᓱᒃᑲᔪᒃᑯᑦ ᖃᕋᓴᐅᔭᓕᕆᓂᕐᒧᑦ ᑮᓇᐅᔭᖁᑎᒋᔭᐅᔪᑦ ᓄᓇᕗᑦ ᐱᕈᖅᐸᓪᓕᐊᓂᖓᓄᑦ

ᔨᐊᓗᓇᐃᕝ – (ᐋᒌᓯ 29, 2008) ᑲᓇᑕᐅᑉ ᒐᕙᒪᒃᑯᖏᑦ ᓇᓗᓇᐃᖅᓯᓚᐅᖅᑐᑦ $21,601,175 ᓱᒃᑲᔪᒃᑯᑦ ᖃᕋᓴᐅᔭᓕᕆᓂᕐᒧᑦ ᑮᓇᐅᔭᖅᑖᖑᔪᑦ ᐅᓪᓗᒥ ᓄᓇᕗᑦᒧᑦ, ᑐᓐᖓᕕᖃᑦᑐᑎᒃ ᐊᕐᕌᒍᓄᑦ ᑕᓪᓕᒪᓄᑦ ᐸᕐᓇᐅᑎᒥᒃ, “ᑲᒪᒋᔭᖃᕐᓂᖅ ᖃᖓᑦᑕᖅᑎᑕᐅᓯᒪᔪᒃᑯᑦ ᓴᓐᖏᓂᖓᓂᒃ -ᓄᓇᕗᑦ ᓯᕗᒧᑦ ᐊᖅᑯᑎᒋᓂᐊᖅᑕᖓᓂᒃ” ᐸᕐᓇᑕᐅᓯᒪᔪᑦ ᑖᒃᑯᓇᓐᖓᑦ ᓄᓇᕗᑦᒥ ᓱᒃᑲᔪᒃᑯᑦ ᖃᕋᓴᐅᔭᓕᕆᓂᕐᒧᑦ ᐱᕙᓪᓕᐊᔪᓕᕆᔨᒃᑯᑦ ᑎᒥᖓᑦ (NBDC) ᐱᒋᐊᓕᕋᑖᖅᑎᓪᓗᒍ ᑕᒪᓐᓇ ᐊᕐᕌᒍ.
ᑕᑯᓗᖓ NBDC-ᑯᑦ ᑭᐅᔾᔪᑎᖓ ᒐᕙᒪᑐᖃᒃᑯᓐᓂᑦ ᑮᓇᐅᔭᖅᑖᖓᓄᑦ:  [PDF]

ᐅᑭᐅᖅᑕᖅᑐᒥᐅᑦ ᐊᑲᐅᓂᖅᓴᒥᒃ ᐊᑐᕈᓐᓇᕐᓂᐊᕐᓕᖅᑐᑦ ᖃᕋᓴᐅᔭᒃᑯᑦ ᑐᓴᐅᒪᖃᑎᒌᓐᓂᕐᒥᒃ: ᑲᓇᑕᐅᑉ ᒐᕙᒪᖓ ᐃᑲᔪᖅᑐᐃᔪᖅ ᓱᒃᑲᔪᒃᑯᑦ ᖃᕋᓴᐅᔭᓕᕆᓂᕐᒥᒃ ᐱᕙᓪᓕᐊᓂᖓᓂᒃ ᓄᓇᕗᒻᒥ ᐊᒻᒪᓗ ᓄᓇᑦᑎᐊᕐᒥ

ᔨᐊᓗᓇᐃᕝ, (ᐋᒌᓯ 29, 2008) — ᐅᑭᐅᖅᑕᖅᑐᒥ ᓄᓇᓖᑦ ᓱᒃᑲᔪᒃᑯᑦ ᖃᕋᓴᐅᔭᓕᕆᓂᖓ ᐱᐅᓯᕚᓪᓕᕐᓂᐊᕐᓯᔪᖅ. ᒪᓕᒐᓕᐅᖅᑎ ᑕᐃᐊᓐ ᐊᐸᓚᓐᓯ, ᑎᑎᕋᖅᑎᖓ ᐊᕕᑦᑐᖅᓯᒪᔪᑦ (ᒥᑭᑦᑑᑎᓄᑦ ᓇᒻᒥᓂᕆᔭᐅᔪᑦ ᐊᒻᒪᓗ ᐳᓚᕋᖅᑐᓕᕆᓂᕐᒧᑦ), ᑭᒡᒐᖅᑐᐃᓪᓗᓂ ᒪᓕᒐᓕᐅᖅᑎᒥᒃ ᓚᐅᕋᓐᔅ ᑳᓐᓇᓐᒥᒃ, ᒥᓂᔅᑕᖓ ᐅᓯᑲᑦᑕᖅᑐᓕᕆᔨᒃᑯᑦ, ᐱᖁᑎᕐᔪᐊᓄᑦ ᐊᒻᒪᓗ ᓄᓇᓕᓐᓄᑦ ᑖᒃᓱᒥᖓ ᐱᖃᑎᖃᑦᑐᓂ ᑭᐅᕈ ᐅᕼᐅᒃᑲᓐᓄᐊᒃ, ᐃᒃᓯᕙᐅᑕᖓ ᓄᓇᕗᑦᒥ ᓱᒃᑲᔪᒃᑯᑦ ᖃᕋᓴᐅᔭᓕᕆᓂᕐᒧᑦ ᐱᕙᓪᓕᐊᔪᓕᕆᔨᒃᑯᑦ ᑎᒥᖓᑦ (NBDC), ᐊᒻᒪᓗ ᑎᐅᕈᓪ ᐱᐅᓘ, ᐊᖓᔪᖅᑳᖓ ᐊᒻᒪᓗ ᐊᐅᓚᑦᑎᔨᖓ ᑖᒃᑯᐊ Falcon Communications GP Ltd, ᐅᓪᓗᒥ ᑐᓴᖅᑎᑎᖅᑲᐅᕗᑦ ᒐᕙᒪᑐᖃᒃᑯᑦ ᐃᑲᔪᕈᑎᖓᓂᒃ ᐃᒪᓐᓇᓂᒃ $36,415,295 ᐊᖏᓪᓕᒋᐊᖅᑕᐅᓂᖓᓄᑦ ᓱᒃᑲᔪᒃᑯᑦ ᖃᕋᓴᐅᔭᓕᕆᔾᔪᑎ ᐊᑐᖅᑕᐅᖃᑦᑕᖅᑐᑦ 56-ᖑᔪᓂ ᓄᓇᓕᓐᓂ ᓄᓇᕗᑦᒥ ᐊᒻᒪᓗ ᓄᓇᑦᑎᐊᕐᒥ ᑲᓇᑕᐅᑉ ᐅᑭᐅᖅᑕᖅᑐᐊᓂ. ᑕᑯᓗᒍ full release ᑕᕝᕙᓂ ᑲᓇᑕᐅᑉ ᒐᕙᒪᒃᑯᑦ ᖃᕋᓴᐅᔭᒃᑯᑦ ᑕᑯᒋᐊᖅᕕᐊᓂ.