ᓄᑖᕈᕆᐊᖅᑕᖅ ᓴᑉᑕᒻᒪ 2011

ᐅᐸᓛᖃᑦ ᓄᓇᕗᒥ ᓇᖕᒥᓂᖃᖅᑐᓄᑦ ᐱᕙᓪᓕᐊᑎᑦᓯᔨᒃᑯᑦ ᓵᖓ 2011-ᒥ ᓇᖕᒥᓂᓖᑦ ᓴᖅᑭᔮᖅᑎᑦᓯᑎᓪᓗᒋᑦ

ᓴᑉᑕᒻᒪ 28th ᐊᒻᒪᓗ 29th, ᓄᓇᕗᒥ ᓇᖕᒥᓂᖃᖅᑐᓄᑦ ᐱᕙᓪᓕᐊᑎᑦᓯᔨᒃᑯᑦ ᐊᑐᐃᓐᓇᐅᓂᐊᕐᒪᑦ ᑕᑯᔭᐅᔪᒪᒃᐸᑕ ᐊᐱᖅᓱᖅᑕᐅᔪᒪᒃᐸᑕᓘᓐᓃᑦ ᓵᖓ ᓈᓴᐅᑎᖃᕐᓂᐊᖅᑐᖅ # 114 ᓄᓇᕗᒥ ᓇᖕᒥᓂᓖᑦ ᓴᖅᑭᔮᖅᑎᑦᑎᓂᖃᖅᑎᓪᓗᒋᑦ 2011-ᒥ, ᐅᑭᐅᑕᖅᑐᒥ ᐱᙳᐊᕕᒡᔪᐊᖅᑐᓄᑦ ᑲᑎᕝᕕᒃᖓᓐᓂ ᐃᖃᓗᖕᓂ. ᖃᐅᔨᔭᖅᑐᕆᑦ ᓄᓇᕗᒥ ᖃᕋᓴᐅᔭᒃᑯᑦ ᐊᖅᑯᑎᖏᓐᓂ ᐃᑭᐊᖅᑭᔾᔪᑎᒋᔭᖏᓐᓂ ᐱᓕᕆᖃᑎᒋᔭᖏᓐᓂᓗ ᑕᐃᒪᐃᑦᑐᖃᖁᓪᓗᒍ ᓄᓇᕗᒥ. ᖃᓄᕐᓗ ᐸᕐᓇᒃᓯᒪᖕᒪᖔᑦᑕ ᓯᕗᓂᒃᓴᑦᑎᓐᓄᑦ ᖃᓄᕐᓗ ᑕᒪᓐᓇ ᐃᓕᖕᓂ ᐊᒃᑐᐃᓛᕐᒪᖔᑦ ᑐᑭᓯᔭᖅᑐᓛᖁᑎᑦ.

ᑭᐅᖃᑦᑕᕆᐊᓕᖕᓂ ᑎᑎᕋᖃᑕᐅᓂᐊᕆᕕᑦ ᑕᐃᑲᓂ ᓄᓇᕗᒥ ᓇᖕᒥᓂᖃᖅᑐᓄᑦ ᐱᕙᓪᓕᐊᑎᑦᓯᔨᒃᑯᑦ ᐊᐱᖅᑯᑎᖏᓐᓂ ᓄᓇᕗᒥᐅᓄᑦ ᓵᓚᖃᕋᓱᖃᑕᐅᔪᓐᓇᕐᓂᐊᕋᕕᑦ ᖃᕋᓴᐅᔭᕋᓛᕐᒥ iPad 2! ᑎᑎᕋᕆᐊᓕᖕᓂ ᐸᐃᑉᐹᓅᖓᓕᖅᑎᑦᑎᔪᒪᒍᕕᑦ ᑕᐃᑲᓂ ᑐᓂᑐᐃᓐᓇᕈᓐᓇᕐᓂᐊᖅᑕᕐᓂᒃ, ᐅᓇ ᓇᕿᓪᓗᒍ. ᖃᐃᖔᕐᓗᑎᓪᓘᓐᓃᑦ ᓵᑦᑎᓐᓄᑦ ᓄᓇᕗᒥ ᓇᖕᒥᓂᖃᖅᑐᓄᑦ ᐱᕙᓪᓕᐊᑎᑦᓯᔨᒃᑯᑦ ᑕᐃᑯᖓ ᑎᑎᕋᕆᐊᖅᑐᕐᓗᑎᑦ.

ᐊᐅᓚᔪᒃᑯᑦ ᑕᕐᕆᔮᓕᐅᕈᑎ ᐅᖄᓚᐅᑎᒃᑯᓪᓗ ᐊᑐᒐᒃᓴᐅᔪᓐᓇᖅᑐᑦ ᓴᖅᑭᔮᖅᑎᑕᐅᓂᐊᖅᑐᑦ

ᑕᖅᑭᓂ ᐊᑐᖅᑕᑦᑎᓐᓂ, SSI Micro-ᑯᑦ ᐆᒃᑐᕋᖃᑦᑕᖅᓯᒪᖕᒪᑕ ᐃᑭᐊᖅᑭᔾᔪᑎᑎᒍᑦ (ᖃᕋᓴᐅᔭᒃᑯᑦ) ᑲᑎᒪᔪᓐᓇᐃᑎᓂᒃ ᐃᖅᑲᓇᐃᔭᕐᕕᒃᑎᒍᑦ (MOB), ᖃᕋᓴᐅᔭᒃᑯᑦ ᐃᓕᔭᒃᓴᒥ ᑕᐃᒫᒃ ᑮᓇᐅᔭᐃᓗᐊᕐᓇᖏᑦᑐᖅ ᑕᑯᒃᓴᐅᑦᓴᐅᑎᒋᓗᑎᒃ ᑲᑎᒪᖃᑎᖃᕈᓐᓇᐅᑎᐅᓂᐊᕐᒪᑦ ᐊᐅᓪᓚᖐᓐᓇᕐᓗᑎᒃ. ᑖᓐᓇ ᓄᑖᖅ ᐊᐅᓚᔪᒃᑯᑦ ᑕᕐᕆᔭᐅᑎᑎᒍᓪᓗ ᐱᔨᑦᓯᕈᑎ ᐊᓚᒃᑲᐅᒪᑎᑕᐅᓂᐊᕐᒪᑦ ᐃᖃᓗᖕᓂ ᐊᕐᕌᒍᕆᔭᑦᑎᓐᓂ ᓇᖕᒥᓂᓖᑦ ᐊᓚᒃᑲᐅᒪᑎᑦᓯᑎᓪᓗᒋᑦ, ᓴᑉᑕᒻᒪ 28-29, 2011. ᑕᐃᒪᑦᑕᐅᖅ ᖃᕋᓴᐅᔭᒃᑯᑦ ᐃᑲᓂ ᑲᑎᕝᕕᒃᓴᒥ ᓴᓂᕐᕙᐃᓯᒪᔪᑦ ᐱᔨᑦᓯᕈᑎᖏᑦ, SSi-ᑯᑦ ᓄᑖᓂ ᓂᐱᓕᐅᕈᑎᑎᒍᑦ ᐱᔭᒃᓴᐅᔪᓂ ᓴᖅᑭᔮᖅᑎᑦᑎᓛᕆᕗᑦ ᐊᖏᕐᕋᒥ ᑎᒍᒥᐊᖃᑦᑖᓂᓗ (ᓇᒃᓴᑲᑕᓂ) ᐅᖄᓚᐅᑎᕋᓛᓄᑦ ᐊᑐᒐᒃᓴᐅᔪᓂ ᓄᓇᕗᒥ. ᑕᒪᒃᑮᒃ ᑕᕐᕆᔭᐅᕈᓐᓇᐅᑎᑎᒍᑦ ᐅᖄᓚᐅᑎᒃᑯᓪᓗ ᐊᑐᒐᒃᓴᐅᔪᑦ ᐋᖅᑭᒃᑎᖅᓯᒪᓂᐊᕐᒪᑕ ᓈᒻᒪᓈᖅᓯᒪᓪᓗᑎᒃ ᕿᓂᖅ ᐊᖅᑯᑎᖏᓐᓄᑦ, ᑕᐃᒫᒃ ᖃᖓᑦᑕᖅᑎᑕᐅᓯᒪᔪᖁᑎᖓᒍᑦ ᐊᖅᑯᑎᖃᕈᓐᓇᖁᓪᓗᒍ ᐊᔪᕐᓇᕈᓐᓃᖅᓯᒪᔪᖅ ᓄᓇᕗᒥ ᓇᖕᒥᓂᖃᖅᑐᓄᑦ ᐱᕙᓪᓕᐊᑎᑦᓯᔨᒃᑯᑦ ᐋᖅᑭᐅᒪᔪᖁᑎᒃᓴᖏᓐᓄᑦ ᐱᓕᕆᐊᖓᑎᒍᑦ II-ᒥ.

ᓇᖕᒥᓂᖃᖅᑐᓄᑦ ᐱᓕᕆᕕᐅᔪᓄᓪᓗ ᑕᕐᕆᔭᐅᑎᑎᖑᑦ ᑲᑎᒪᖃᑎᖃᕈᓐᓇᕐᓂᖅ, ᐅᕙᓂᓗ ᖃᕋᓴᐅᔭᒃᑯᑦ ᑲᑎᑦᑐᓐᓇᖅᑐᑦ, ᓴᖅᑭᑕᐅᒋᐊᕐᖓᓚᐅᖅᓯᒪᖕᒪᑦ 2010-ᒥ ᓄᓇᕗᒥ ᓇᖕᒥᓂᖃᖅᑎᑦ ᓴᖅᑭᔮᖅᑎᑦᑎᓂᖃᖅᑎᓪᓗᒋᑦ. ᑕᒪᓐᓇ ᐃᖅᑲᓇᐃᔭᕐᕕᖕᒥ ᐱᓕᕆᑦᑎᐊᕈᓐᓇᐅᑎᐅᑲᓐᓂᕈᑕᐅᒋᐊᓚᐅᖅᑐᖅ, ᖃᖓᑕᔭᕆᐊᖃᖃᑦᑕᕐᓂᖏᓪᓗ ᒥᑭᓪᓕᒋᐊᖅᑕᐅᓗᑎᒃ ᐊᓪᓚᕕᖃᕈᑎᓄᓪᓗ ᑮᓇᐅᔭᖅᑐᕈᑎᖏᑦ ᒥᑭᓪᓕᒋᐊᖁᓪᓗᒋᑦ ᓲᕐᓗ ᐅᖓᓯᒃᑐᒨᕈᑎᑦ ᐅᖄᓚᐅᑎᓂ ᐊᓪᓚᕕᖕᒧᑦ ᐅᖄᓚᒍᑎᐅᓲᓄᑦ. ᑕᑯᔭᖅᑐᓛᖅᐸᐃᑦ SSi-ᑯᑦ ᓵᖓ ᐊᕐᕌᒍᕆᔭᑦᑎᓐᓂ ᓄᓇᕗᒥ ᓇᖕᒥᓂᖃᖅᑎᐅᔪᑦ ᓴᖅᑭᔮᖅᑎᑦᑎᓂᖃᖅᑎᓪᓗᒋᑦ ᑕᐅᑐᓛᕋᕕᑦ ᖃᓄᖅ ᐊᑐᒐᒃᓴᐅᖕᒪᖔᑕ ᐱᔭᒃᓴᐅᖕᒪᖔᑕᓘᓐᓃᑦ ᐅᕝᕙᓘᓐᓃᑦ ᓴᓐ ᕈᕆᓴᓐ ᑐᕌᕐᕕᒋᓗᒍ ᑎᑎᕋᕐᕕᒋᔪᓐᓇᖅᑕᑦ rorison@qiniq.com.

ᖃᓄᐃᓕᖓᓕᕐᓂᖏᓐᓂ ᕖᕝᕗᐊᕆᒥ 2011

ᖃᕋᓴᐅᔭᒃᑯᑦ ᑲᑎᒪᓂᖏᑦ (MOB) ᖃᐅᔨᓴᐅᑕᐅᓯᓐᓈᖅᑐᑎᑦ

ᓰᑏᑉᐱᕆᐅᑎᓪᓗᒍ, SSi Micro-ᑯᑦ ᓴᖅᑮᓚᐅᖅᓯᒪᔪᑦ ᑲᑎᒪᓂᖏᓐᓂ ᖃᕋᓴᐅᔭᒃᑯᑦ ᐱᓕᕆᔨᐅᓂᐊᖅᑐᒥᑦ, ᑏᕖᒃᑯᑦ ᑕᑯᔅᓴᐅᑦᑕᐅᑎᒋᓪᓗᑎᑦ ᑲᑎᒪᓂᖏᓐᓂ. ᑕᐃᒪᓐᖓᓂ, ᐋᖅᑭᔅᓴᐃᖏᓐᓇᖅᑐᑦ ᖃᕋᐊᓴᐅᔭᒃᑯᑦ ᑲᑎᒪᕕᔅᓴᐅᒐᔭᖅᑐᓂᒃ ᐅᖄᓚᐅᑎᒃᑰᓐᖏᖔᖅᑐᖅ ᓇᒻᒥᓂᖃᐅᖅᑐᓄᑦ ᑲᑐᔾᔨᖃᑎᒌᓐᓄᓪᓗ ᑕᑯᔅᓇᖃᑦᑕᐅᑎᓗᑎᑦ ᐊᑭᑐᓗᐊᓐᖏᓪᓗᓂᓗ ᐅᖃᖃᑎᒌᒍᓐᓇᖁᓪᓗᒋᑦ ᑭᒃᑯᑐᐃᓐᓇᐃᑦ. ᑖᓐᓇ ᑕᐃᔭᐅᔪᖅ ᖃᕋᓴᐅᔭᒃᑯᑦ ᑲᑎᒪᖃᑎᖃᕐᓂᖅ ᐊᒻᒪᓗ ᑏᕖᒃᑯᑦ ᑕᑯᔅᓴᐅᑦᑕᐅᑎᒋᓗᓂ ᑲᑎᒪᖃᑎᖃᕈᓐᓇᕐᓂᖅ. ᑕᑯᓗᒍ
www.nunavut-broadband.ca/movingforward.htm ᑐᑭᓯᒋᐊᕈᒪᓐᓂᕈᕕᑦ.

ᑖᓐᓇ ᑏᕖᒃᑯᑦ ᑕᑯᔅᓴᐅᓗᓂ ᐅᖃᖃᑎᒌᓐᓂᖅ ᐊᔾᔨᒌᓐᖏᑦᑐᓄᑦ ᓄᓇᓕᓐᓄᑦ ᐊᑐᐃᓐᓇᐅᓂᐊᖅᑐᑦ, ᑕᖅᑭᓄᑦ ᐱᖓᓱᓄᑦ ᐱᖓᓲᔪᖅᑐᓄᑦ ᑎᑭᓪᓗᒍ, ᓂᕈᐊᖅᑕᐅᓯᒪᔪᑦ ᐆᑦᑑᑎᔅᓴᒥᒃ ᐊᑐᐃᓐᓇᐅᑎᑕᐅᓂᐊᖅᑐᑦ ᑭᒃᑯᑐᐃᓐᓇᕐᓄᑦ ᑲᑎᒪᖑᒪᔪᓄᑦ ᑕᐃᒫᒃ. ᐱᔾᔪᑎᒋᔭᖏᑦ ᖃᐅᔨᓴᖅᑕᐅᒍᒪᓂᖏᑦ ᐅᖓᓯᑦᑐᕐᒥᐅᑕᐃᑦ ᓴᓐᖐᓗᐊᖅᑐᓪᓗ ᑐᓴᐅᒪᖃᑦᑕᐅᑎᑦᑎᐊᕐᓂᕐᒥᑦ ᐊᑐᐃᓐᓇᐅᕕᒋᔪᒪᓪᓗᒋᑦ, ᖃᐅᔨᓴᕐᓗᒋᓪᓗ ᑏᕖᒃᑯᑦ ᐅᖃᖃᑎᒌᒍᓐᓇᕐᓗᑎᒃ ᖃᕋᓴᐅᔭᒃᑯᓪᓗ ᐊᑐᐃᓐᓇᐅᑎᑦᑎᐊᕈᒪᓪᓗᒋᑦ. ᑖᒃᑯᓇᓂ, ᖃᐅᔨᓴᕐᓂᖏᓐᓂ ᓂᕈᐊᕐᓗᑎᑦ ᖃᖓᒃᑰᓂᖏᓐᓂᓪᓗ ᓄᓇᓕᓐᓂ ᐱᔪᒪᒐᔭᖅᑐᓂᒃ ᐆᑦᑐᕋᕈᓐᓇᕋᔭᕐᖓᑕ ᓯᕗᓂᑦᑎᓐᓂ ᐱᔨᑦᑎᕋᐅᑕᐅᔪᓐᓇᖅᑐᓂᑦ. ᑖᓐᓇ ᐅᖄᓚᖃᑦᑕᕐᓂᖅ ᑏᕖᒃᑯᑦ ᐱᓕᕆᖃᑕᐅᔪᓂᑦ ᐃᓚᒌᓐᓂᓪᓘᓐᓃᑦ

ᑐᓴᕋᑦᓴᖅ ᓅᕙᐃᕝᕙ 2010

ᐊᑲᐅᒋᔭᐅᔪᑦ QFile ᐊᒻᒪᓗ ᑲᑎᒪᓂᖅ ᖃᕆᑕᐅᔭᒃᑯᑦ

ᓄᑖᑦ ᖃᖓᑦᑕᖅᑎᑕᐅᓯᒪᔪᒃᑯᑦ ᐱᔨᑦᓯᕋᐅᑎᖏᑦ QFile-ᑯᑦ (ᐊᖏᔪᓂᒃ ᑐᖅᑯᖅᓯᒪᔪᓂᒃ ᓄᑦᑎᕆᔪᑦ) ᐊᒻᒪᓗ ᑲᑎᒪᓂᖅ ᖃᕆᑕᐅᔭᒃᑯᑦ (ᖃᕆᑕᐅᔭᒃᑯᑦ ᑲᑎᒪᖃᑦᑕᕐᓂᖅ) ᑐᓐᖓᓱᑦᑎᑕᐹᓘᔪᔪᑦ ᓄᓇᕗᒻᒥ ᑕᑯᑦᓴᐅᑎᑦᓯᔪᓂ ᐃᖃᓗᓐᓂ. ᑐᓴᕋᑦᓴᓅᖓᔪᓄᑦ ᑲᑎᒪᓂᖅᑕᖃᔪᔪᖅ ᓯᑦᑕᕝᕙ 22 ᐅᑭᐅᖅᑕᖅᑐᒥ ᐱᓐᖑᐊᕐᕕᐊᓗᒻᒥ ᐊᒻᒪᓗ ᐱᖁᔭᓕᐅᖅᑎ ᓕᐅᓇ ᐊᒡᓘᑲᒃ, ᐱᖁᔭᓕᐅᖅᑎ ᐋᑐᕚᒥ ᓄᓇᕗᒻᒧᑦ, ᒥᓂᔅᑕ ᐋᓐᓂᐊᖅᑐᓕᕆᓂᕐᒧᑦ ᐊᒻᒪᓗ ᒥᓂᔅᑕᐅᓪᓗᓂ ᐅᑭᐅᖅᑕᖅᑐᒧᑦ, ᓇᔫᑎᔪᔪᖅ ᐋᑐᕚᒥᒃ ᑕᕝᕘᓇ ᓄᑖᒃᑯᑦ ᖃᖓᑦᑕᖅᑎᑕᐅᓯᒪᔪᒃᑯᑦ. ᐅᐊᔭᒨᖅᑐᑦ ᐊᑐᖅᑕᐅᔪᑦ ᐃᖏᕐᕋᑦᓯᐊᖅᑐᐊᓘᔪᔪᑦ, ᑕᑯᑦᓴᐅᑎᑦᓯᑦᓱᑎᒃ ᐃᒪᐃᒍᓐᓇᕐᓂᖏᓐᓂᒃ ᖃᓄᑐᐃᓐᓇᖅ ᐊᑐᕐᓗᒋᑦ ᑭᓇᒃᑯᑐᐃᓐᓇᕐᓅᖓᔪᑦ ᖃᖓᑦᑕᖅᑎᑕᐅᓯᒪᔪᒃᑯᑦ ᑲᑎᒪᑎᑕᐅᓂᖅ ᓄᓇᕗᒻᒥ.

ᑕᐃᑲᓂ SSi Micro / QINIQ ᑕᑯᑦᓴᐅᑎᑦᓯᓂᖃᖅᑎᓪᓗᒋᑦ ᑕᑯᔪᒪᔭᕆᔭᐹᓘᔪᔪᑦ ᑭᓇᒃᑯᑐᐃᓐᓇᕐᓄᑦ ᐃᓚᐅᑎᓐᓂᖃᖅᐸᑦᓱᑎᒃ ᐆᑦᑐᕋᐅᑎᓄᑦ ᓄᑖᓂᓪᓗ ᐆᑦᑐᕋᖅᐸᑦᓱᑎᒃ. ᑕᐃᒪᓐᖓᓂᑦ, ᖃᑦᓯᒐᓛᑦ ᐊᑐᖅᑎᐅᔪᑦ ᐊᑎᓕᐅᖅᓯᒪᓕᖅᑐᑦ QFile-ᒧᑦ ᖃᕆᑕᐅᔭᒃᑯᑦ ᑎᑎᕋᖅᑕᐅᑎᑦᓱᑎᒃ ᐅᕙᓂ http://www.qiniq.com/qfile. Meet Online ᐱᓇᓱᐊᕐᕕᒃ, ᐊᑕᐅᓯᐅᓐᖏᑦᑐᒥᒃ ᐱᔨᑦᓯᕋᕐᕕᒃ ᑎᒥᐅᔪᓂᒃ, ᐊᑐᐃᓐᓇᐅᒻᒥᔪᖅ ᑲᑎᒪᑎᑦᓯᓂᕐᒧᑦ, ᑕᓚᕖᓴᒃᑯᑦ ᑕᑯᑦᓴᐅᑎᑦᓯᓂᕐᒧᑦ, ᐃᓕᓐᓂᐊᑎᑦᓯᓂᕐᒧᑦ ᐊᒻᒪᓗ ᒐᕙᒪᒃᑯᓐᓂᒃ ᑐᑦᓯᕋᐅᑎᓂᒃ. ᑲᓲᒪᖃᑦᑕᕐᓂᖅ ᖃᕆᑕᐅᔭᒃᑯᑦ ᐱᔨᑦᓯᕋᐅᑕᐅᕗᖅ ᑎᒥᓪᓚᑑᓂᖅᓴᐅᔪᓄᑦ ᓵᓐᖓᐅᑎᓗᑎᒃ ᑲᑎᒪᓂᖃᕈᓐᓇᖁᓪᓗᒋᑦ ᐊᑭᑐᔪᐊᓗᓐᓂᒃ ᐃᓕᐅᖅᑲᐃᒋᐊᑐᒐᑎᒃ ᑲᕆᑕᐅᔭᕐᓄᑦ. ᑖᓐᓇ ᐱᔨᑦᓯᕋᐅᑕᐅᔪᖅ “ᐱᒋᐊᖅᐸᓪᓕᐊᔪᖅ” ᐊᐅᓚᓂᕆᒻᒪᐅᒃ ᐊᑐᐃᓐᓇᕈᓛᖅᑐᑦ ᑭᓇᒃᑯᑐᐃᓐᓇᕐᓄᑦ 2011 ᐱᒋᐊᓕᕋᑖᖅᑎᓪᓗᒍ. ᑐᑭᓯᒋᐊᒃᑲᓐᓂᕈᒪᒍᕕᑦ ᑲᑎᒪᖃᑦᑕᕐᓂᕐᒥᒃ ᖃᕆᑕᐅᔭᒃᑯᑦ, ᑕᑯᒋᐊᕈᒃ  http://www.qiniq.com/meetonline.

ᓄᓇᕗᒻᒥ ᖃᖓᑦᑕᖅᑎᑕᐅᓯᒪᔪᓄᑦ ᐱᕙᓪᓕᐊᑎᑦᓯᓂᕐᒧᑦ ᑯᐊᐳᕇᓴᒃᑯᑦ ᒪᑐᐃᖔᖅᑐᑦ ᐃᓚᒋᔭᐅᓕᕈᒪᔪᓄᑦ
ᓄᓇᕗᒻᒥ ᖃᖓᑦᑕᖅᑎᑕᐅᓯᒪᔪᓄᑦ ᐱᕙᓪᓕᐊᑎᑦᓯᓂᕐᒧᑦ ᑯᐊᐳᕇᓴᒃᑯᑦ ᓯᕗᒧᒋᐊᕈᑎᖃᖅᐳᑦ ᑖᒃᑯᓇᓐᖓᑦ ᓄᑖᓂᒃ ᖁᕕᐊᓇᒻᒪᕆᑦᑐᓂᓪᓗ ᐊᐅᓚᔾᔭᒋᐊᕈᑕᐅᔪᓂᒃ, ᐃᓇᑦᓯᕗᒍᑦ ᑭᓇᒃᑯᑐᐃᓐᓇᕐᓂᒃ ᐃᓚᐅᑎᖁᔨᑦᓱᑕ ᑐᓴᐅᒪᒐᓱᐊᕐᓗᑎᓪᓗ. ᐊᑲᐅᓂᖅᐸᐅᒐᔭᖅᑐᖅ ᐃᓚᒋᔭᐅᓕᕐᓂᒃᑯᑦ. ᖃᕆᑕᐅᔭᒃᑯᑦ ᐃᑖᓗᒋᑦ ᐃᓚᒋᔭᐅᔾᔪᑎᓅᖓᔪᑦ ᑎᑎᕋᕐᕕᑦᓴᐃᑦ, (ᑲᓱᖅᑎᓪᓗᒋ “ᐃᓚᒋᔭᐅᒋᑦ” ᓚᓯᒪᔪᒧᑦ ᐃᑖᒋᐊᓕᓐᓂ) ᑎᑎᕋᕐᕕᒋᓗᒍ, ᓱᑲᑦᑐᒃᑯᑦ ᐊᐅᓪᓚᑎᓪᓗᒍ (866) 383-6315. ᐊᑭᓕᕆᐊᓕᑦᑕᖃᓐᖏᑦᑐᖅ. ᑐᓴᕋᑦᓴᓂᒃ ᐱᒐᔭᖅᑐᑎᑦ ᖃᕆᑕᐅᔭᒃᑯᑦ ᐱᕙᓪᓕᐊᓂᖏᓐᓄᑦ ᖃᖓᑦᑕᖅᑎᑕᐅᓯᒪᔪᒃᑯᑦ ᐱᔨᑦᓯᕋᐅᑏᑦ ᓄᓇᕗᒻᒥ. ᐃᓚᒋᔭᐅᓃᑦ ᐱᕕᖃᖅᑎᑦᓯᔪᖅ ᐃᓕᓐᓂᒃ ᓂᕈᐊᕈᓐᓇᕐᓂᕐᒥᒃ ᑲᑎᒪᔨᖏᓐᓂᒃ ᓄᓇᕗᒻᒥ ᖃᖓᑦᑕᖅᑎᑕᐅᓯᒪᔪᓄᑦ ᐱᕙᓪᓕᐊᑎᑦᓯᓂᕐᒧᑦ ᑯᐊᐳᕇᓴᒃᑯᓐᓄᑦ ᐊᕐᕌᒍᑕᒫᖅᓯᐅᑎᒥ ᑲᑎᒪᓂᓕᒫᖏᓐᓂ.

ᐅᓪᓗᒥ ᖃᓄᐃᓕᖓᓕᕐᒪᖔᑦ ᑐᓴᕋᔅᓴᖅ ᓯᑉᑎᒻᕙ 2010

ᓄᑖᕐᒥᒃ ᓄᓇᕗᒻᒥ ᓱᒃᑲᔪᒃᑯᑦ ᖃᕆᑕᐅᔭᓕᕆᓂᕐᒥᒃ ᐱᕙᓪᓕᐊᔪᓕᕆᔨᒃᑯᑦ ᑎᒥᖓᑦ ᓴᖅᑭᑎᑦᑎᕗᑦ ᓄᓇᕗᒻᒥ ᐃᖅᑲᓇᐃᔭᕐᕖᑦ ᑕᑯᔅᓴᐅᑎᑦᑎᓂᖏᓐᓂ

QFile, ᑲᑎᖃᑎᒌᓐᓂᖅ ᖃᕋᓴᐅᔭᒃᑯᑦ ᐃᑭᐊᖅᑭᕕᒃᑯᑦ - ᖃᕆᑕᐅᔭᓕᕆᔨᒃᑯᑦ ᖁᕕᐊᓱᑉᐳᑦ ᓇᓗᓇᐃᕐᓯᔭᕆᐊᔅᓴᖅ ᒪᕐᕉᓐᓂᒃ ᓄᑖᓐᓂᒃ ᓱᒃᑲᔪᒃᑯᑦ ᖃᕆᑕᐅᔭᒃᑯᑦ ᐱᔨᑦᑎᕋᐅᑎᖃᕐᓂᐊᓕᕐᒥᒻᒪᑕ ᐋᖅᑭᓱᕐᐸᓪᓕᐊᔭᖓᓐᓂᒃ SSi Micro ᐊᐅᓚᔾᔪᑎᔅᓴᓕᕆᓂᕐᒥᒃ ᐱᓕᕆᐊᖓᓂ ᑐᖏᓕᐊᓂ ᒫᓐᓇ ᓴᖅᑭᖅᑎᑕᐅᓪᓚᑦᑖᙳᓱᓕᕐᖓᑦ ᓄᓇᕗᒻᒥ ᐃᖅᑲᓇᐃᔭᕐᕖᑦ ᑕᑯᔅᓴᐅᑎᑦᑎᓂᕆᓛᖅᑕᖓᓐᓂ ᐃᖃᓗᓐᓂ. ᑲᑐᔾᔨᖃᑎᖃᖅᑐᑕ ᑲᑐᔾᔨᖃᑎᒋᕙᑦᑕᖏᓐᓂᒃ ᑲᓇᑕᐅᑉ ᒐᕙᒪᒃᖏᓐᓂᒃ, ᓄᓇᕗᑦ ᒐᕙᒪᒃᑯᖏᓐᓂᒃ, SSi ᐊᒻᒪᓗ ᓱᒃᑲᔪᒃᑯᑦ ᖃᕆᑕᐅᔭᓕᕆᔨᒃᑯᑦ ᑎᒥᖓᑦ ᓴᖅᑭᑎᑦᓚᐅᖅᑐᑦ ᑖᔅᓱᒥ QFile-ᒥᒃ ᑕᐃᔭᐅᔪᒥᒃ, “ᐱᕕᖃᕐᓂᑦᑎᒍᑦ ᐊᓯᐊᓅᕐᓯᓂᖅ” ᐊᑐᕋᔅᓴᖅ ᐊᓯᐊᓅᖅᑲᐃᖃᑦᑕᕈᑎᔅᓴᐅᓪᓗᓂ ᐊᖏᔫᑎᓂᒃ ᖃᕋᓴᐅᔭᕐᒦᑎᑕᔅᓯᓐᓂᒃ, ᐊᒻᒪᓗ ᖃᕋᓴᐅᔭᒃᑯᑦ ᑲᑎᒍᑕᐅᔪᓐᓇᖅᑐᓂ, ᑐᓵᒐᔅᓴᐅᓗᑎᒃ-ᑕᑯᓐᓇᕋᔅᓴᐅᓗᑎᓪᓗ ᑲᑎᒪᒍᑎ.

QFile ᑖᓐᓇ ᐃᑲᔫᑎᖃᓲᖅ ᐊᓯᐊᓄᑦ ᓅᑦᑎᓂᕐᒥᒃ ᐊᖏᔫᑎᓂᒃ ᖃᕋᓴᐅᔭᕐᒦᑎᑕᕐᓂᒃ ᓲᕐᓗ ᑕᕐᕆᔮᔅᓴᑦ, ᓄᓇᙳᐊᑦ, ᐊᖏᔫᑎᓂᒃ ᑎᑎᖅᑲᐃᑦ ᐊᒻᒪᓗ ᐊᔾᔨᖏᓐᓂᒃ/ᑎᑎᕋᐅᔭᕐᓯᒪᓂᖏᓐᓂᒃ ᐊᑐᖅᐸᑦᑐᒥᒃ ᐊᓯᐊᓄᑦ ᑐᕌᖅᑎᒐᔅᓴᐅᓗᒋᑦ….ᑕᒪᓐᓇ ᐊᔅᓱᕈᓐᓇᖃᑦᑕᕐᓯᒪᓪᓚᕆᒻᒪᑦ ᐊᒥᓱᓄᑦ ᐱᓕᕆᕕᓕᐅᔪᓄᑦ ᑲᑐᔾᔨᖃᑎᒌᓄᓪᓗ ᓄᓇᕗᒻᒥ ᖃᖓᑦᑕᖅᑎᑕᐅᓯᒪᔪᒃᑯᑦ ᐱᓕᕆᔾᔪᑕᐅᕙᑦᑐᓂᒃ. ᖃᕋᓴᐅᔭᒃᑯᑦ ᐃᑭᐊᖅᑭᕕᒃᑯᑦ ᑲᑎᖃᑎᒌᒍᑦ ᐱᔪᓐᓇᑎᑦᑎᖃᑦᑕᓂᐊᖅᑐᖅ ᖃᑦᑎᑐᐃᓐᓇᕐᓂᒃ ᑐᓴᕐᓴᐅᓗᑎᒃ-ᑕᑯᔅᓴᐅᓗᑎᓪᓗ ᑲᑎᒪᑎᑦᑎᖃᑦᑕᓂᕐᒥᒃ ᐊᐅᓚᑦᑎᕕᒻᒥ ᐊᑐᖅᑕᐅᔭᕆᐊᖃᓲᓂᒃ ᓲᕐᓗ ᑲᑎᒪᔩᑦ ᑲᑎᒪᓂᖏᑦ, ᑐᓴᕆᐊᕐᕕᖃᕐᓂᕐᒥ ᑲᑎᒪᓂᕐᒥ, ᐊᒻᒪᓗ ᐅᖓᓯᑦᑐᒥᒃ ᐃᓕᓐᓂᐊᓂᕐᒥ ᐱᓕᒻᒪᓴᕐᓂᒥᓪᓗ.

ᑖᒃᑯᐊ ᐱᔨᑦᑎᕋᐅᑎᑖᖅᑲᐅᑦ ᑲᑎᑦᑐᒋᑦ ᐊᑭᑐᔫᓄᑦ ᓱᒃᑲᔪᒃᑯᓪᓗ ᐊᑭᖃᕋᔭᙳᐊᕐᓯᒪᔪᑦ ᐃᒪᓐᓇᓂᒃ $15.6 ᒥᓕᐊᓐ. ᑲᓇᑕᐅᑉ ᒐᕙᒪᒃᑯᖏᑦ ᐃᑲᔫᑎᖃᕐᓯᒪᒧᑦ $7.8 ᒥᓕᐊᓐᓂᒃ, ᐊᒥᐊᒃᑯᑦ ᑖᒃᑯᓇᙵᑦ SSi-ᑯᓐᓂᒃ ᐊᒻᒪᓗ ᐊᑭᓖᕙᑦᑐᓂᒃ ᐊᑭᓕᖅᑕᐅᓯᒪᓪᓗᑎᒃ. ᑐᑭᓯᒋᐊᒃᑲᓐᓂᕈᒪᒍᔅᓯ, ᖃᐅᔨᒋᐊᕈᓐᓇᖅᑕᓯ ᑐᓴᕋᔅᓴᓂᑦ ᐅᕙᙵᑦ. 2010_Sept22_NewsRelease.pdf

ᐅᓪᓗᒥᒧᑦ ᑐᑭᓯᒋᐊᕈᑎᑦ ᔫᓂ 2010

ᐱᒋᐊᖅᑎᑦᑎᓂᖅ ᓄᑖᒥᒃ ᐱᔨᑦᑎᕈᑎᓂᒃ ᓯᑎᐱᕆᒥ 2010

ᖃᖓᒃᑰᖃᑦᑕᕐᓂᖓ, ᑲᑎᓂᖅ ᖃᕋᓴᐅᔭᒃᑯᑦ – NBDC-ᑯᑦ ᐊᓕᐊᓇᐃᒍᓱᑉᐳᑦ ᑐᓴᖅᑎᑦᑎᔭᕆᐊᔅᓴᖅ ᓄᑖᒥᒃ ᖃᕋᓴᐅᔭᒃᑰᕈᑎᒥᒃ ᓱᒃᑲᔪᒃᑯᑦ ᐋᖅᑭᒃᑕᐅᔪᖅ ᑖᒃᑯᓇᓐᖓᑦ SSi Micro-ᑯᓐᓂᑦ ᑖᒃᑯᑎᒎᓇ ᐱᖁᑎᕐᔪᐊᑦ II ᐱᓕᕆᐊᒃᓴᐃᑦ ᓴᖅᑭᑕᐅᓂᐊᖅᑐᑦ ᑭᒃᑯᑐᐃᓐᓇᕐᓄᑦ ᓄᓇᕗᑦᒥ ᑕᑯᒃᓴᐅᑎᑦᑎᓂᖃᓕᖅᐸᑕ ᐱᓕᕆᔨᐅᔪᑦ ᐃᖃᓗᓐᓄ ᓰᑏᕙᐅᓛᖅᑐᒥ  21-23. ᐃᓱᒪᖃᑦᑎᐊᓚᐅᕐᕋᓗᐊᖅᑐᒍᑦ ᓂᕆᐅᑦᑐᑕ ᑕᒪᒃᑯᐊ ᐊᑕᐅᓯᕐᒥᒃ ᐱᓕᕆᖃᑎᒌᓐᓂᐅᔪᓐᓇᖅᑐᑦ ᐊᒻᒪᓗ ᖃᕋᓴᐅᔭᒃᑯᑦ ᑲᑎᒪᖃᑎᒌᓐᓂᐅᖃᑦᑕᖅᑐᑦ ᓴᖅᑭᔅᓴᕋᐃᓐᓂᖅᓴᐅᓂᐊᖅᑐᒋᓪᓗᑎᒍ, ᑭᓯᐊᓂᓕ ᑐᑭᑖᓕᓚᐅᕐᒥᒐᑦᑕ ᐊᑯᓂᒃᑲᓂᐊᕐᔪᒃ ᐱᓕᕆᐊᕐᕆᔪᒪᓪᓗᑎᒍ ᑕᒪᒃᑯᐊ ᐋᖅᑭᓱᖅᑕᐅᓂᖏᑦ ᑕᑯᓇᑦᑕᐅᓂᖏᓪᓗ ᑲᔪᓯᑦᑎᐊᖁᓪᓗᒋᑦ.  ᐊᐅᔭᐅᓕᖅᐸᑦ, ᑭᖑᓪᓕᖅᐹᒥᒃ ᖃᐅᔨᓴᕐᓂᖃᕐᓂᐊᖅᑐᑦ.

ᓄᓇᓕᓐᓂ ᐊᖅᑯᑕᐅᔪᖅ - ᑕᐃᒪᓐᖓᑦ ᓯᕗᓪᓕᖅᐸᒥᒃ ᑕᑯᒃᓴᐅᑎᑕᐅᓚᐅᖅᑎᓪᓗᒍ ᓄᓇᓕᓐᓂ ᐊᖅᑯᑎᖃᕐᓂᖅ ᑕᒪᓐᓇᓗ ᑲᔪᓯᑎᑕᐅᓪᓗᓂ ᑐᓂᔭᐅᓪᓗᓂᓗ, ᑕᐃᒪᖓᒥᒃ ᑖᒃᓱᒥᖓ ᐊᑐᕆᐊᖃᕐᓂᖅ ᐊᓯᔾᔨᖅᓯᒪᒻᒪᑦ. NBDC-ᑯᑦ ᑐᓂᓯᓯᒪᒻᒪᑕ ᐱᓕᕆᔨᐅᔪᓂᒃ, SSI Micro, ᐱᕕᖃᑦᑎᑎᓪᓗᑎᒃ ᐋᖅᑭᒋᐊᖅᓯᒍᒪᒍᑎᒃ ᑖᒃᓱᒥᖓ ᐱᔪᒪᓇᓱᐊᕈᑎᒋᓚᐅᖅᑕᒥᓐᓂᒃ ᓯᕗᓪᓕᖅᐸᒥ ᐱᔪᓐᓇᖁᓪᓗᒋ ᐱᔨᑦᑎᕋᕐᓂᕐᒥᒃ ᐊᑲᐅᓂᖅᓴᐅᔪᒃᑯᑦ ᐊᒻᒪᓗ ᐅᓪᓗᒥᐅᔪᖅ ᐊᑐᖅᑕᐅᒐᔭᕐᓂᖓ ᐃᓱᒪᒋᔭᐅᖃᓯᐅᔾᔭᐅᓪᓗᓂ ᐊᒻᒪᓗ ᐊᑐᕈᒪᔪᑦ ᐅᓄᕐᓂᕆᓕᖅᑕᖏᑦ.

ᐃᓕᓐᓂᐊᕐᕕᒻᒥ ᐊᖅᑯᑕᐅᔪᖅ – ᐱᓕᕆᖃᑎᖃᑦᑎᐊᖅᑐᓂᒃ ᓄᓇᕗᑦ ᒐᕙᒪᒃᑯᖏᑕ ᐃᓕᓐᓂᐊᖅᑐᓕᕆᓂᕐᒧᑦ ᐱᓕᕆᕝᕕᖓᓂᒃ, ᐆᑦᑐᕋᐅᑎᐅᓂᐊᖅᑐᒥᒃ ᐱᓕᕆᐊᒃᓴᒥᒃ 6-ᖑᔪᑦ ᐃᓕᓐᓂᐊᖅᕖᑦ ᐱᖃᓯᐅᔾᔭᐅᓯᒪᓪᓗᑎᒃ ᐱᒋᐊᖅᑐᖃᓚᐅᕐᒥᔪᖅ ᐱᒋᐊᓕᕋᑖᖅᑎᓪᓗᒍ ᔮᓄᐊᓕ ᐱᑦᔪᑎᖃᑦᑐᑎᒃ ᖃᐅᔨᓴᕐᓂᕐᒧᑦ ᓴᓇᔭᐅᒋᐊᖅᓯᒪᔪᒥᒃ ᕿᓂᖅ ᖃᕋᓴᐅᔭᓕᕆᔾᔪᑎᒥᒃ ᐊᒻᒪᓗ ᐋᖅᑭᓯᓪᓗᑎᒃ ᐃᓪᓗᕈᓯᕐᒥ ᖃᕋᓴᐅᔭᒃᑯᑦ ᐊᑐᖅᑕᐅᖃᑦᑕᓂᐊᖅᑐᒥᒃ. ᒪᕐᕉᒃ ᓄᓇᓖᒃ ᐊᕕᑦᑐᖅᓯᒪᔪᓂᑦ ᐱᖃᑕᐅᓯᒪᔫᒃ, ᑖᒃᑯᐊ ᐃᒃᐱᐊᕐᔪᒃ ᐊᒻᒪᓗ ᓴᓂᑭᓗᐊᖅ ᕿᑭᖅᑕᓂ, ᖃᒪᓂᖅᑐᐊᖅ ᐊᒻᒪᓗ ᑲᖏᖅᖠᓂᖅ ᑭᕙᓪᓕᕐᒥ, ᐊᒻᒪᓗ ᑕᓗᕐᔪᐊᖅ ᐊᒻᒪᓗ ᖁᓪᓗᖅᑑᖅ ᕿᑎᕐᒥᐅᓂᑦ. ᐊᑐᓂᒃ ᐃᓕᓐᓂᐊᖅᕖᒃ ᑐᓂᔭᐅᓚᐅᖅᑑᒃ ᕿᓂᒃᑰᕈᓐᓇᐅᑎᒥᒃ ᐊᑐᓂᒃ ᓈᒻᒪᒋᔭᖓᓂᒃ ᐋᖅᑭᓱᖅᓯᒪᔪᒥᒃ ᐊᒻᒪᓗ ᐅᐊᔭᖃᖏᑐᒃᑯᑦ ᖃᕋᓴᐅᔭᒃᑰᕈᓐᓇᐅᑎᓂᒃ, ᑐᓂᔭᐅᓪᓗᑎᓪᓗ ᑕᓪᓕᒪᓂᒃ ᖃᕋᓴᐅᔭᓂᒃ ᐱᓕᕆᓂᖏᓐᓄᑦ. ᐃᓪᓗᕈᓯᕐᒥ ᐊᑐᖅᑕᐅᓗᐊᖃᑦᑕᕐᓂᖓᓄᑦ ᖃᐅᔨᔭᐅᓚᐅᕐᒥᔪᖅ ᐆᑦᑐᕋᐅᑎᖃᑦᑎᓪᓗᒋᑦ ᐊᑐᓪᓚᑦᑖᖃᑦᑕᕐᓂᖏᓐᓄᑦ ᐃᓕᓐᓂᐊᖅᑏᑦ ᖃᕋᓴᐅᔭᒃᑯᑦ ᖃᐅᔨᒋᐊᖅᕕᖓᓂᒃ ᐊᒻᒪᓗ ᑕᐃᒪᐃᒻᒪᑦ ᓇᓗᓇᐃᖅᑐᓂ ᓯᕗᓂᒃᑎᓐᓂ ᓱᒃᑲᔪᒃᑯᑦ ᖃᕋᓴᐅᔭᓕᕆᓂᕐᒧᑦ ᐱᔭᕆᐊᖃᕈᒫᕐᓂᖏᓐᓂᑦ.

ᑐᓴᖅᑕᐅᔪᑦ ᑖᒃᑯᓇᓐᖓᑦ ᐃᓕᓐᓂᐊᖅᕕᐅᔪᓂᒃ ᐱᖃᑕᐅᓚᐅᖅᑐᓂᒃ ᐊᒃᓱᒻᒪᕆᐊᓗᒃ ᐊᑑᖅᖃᖅᓯᒪᕗᑦ ᐊᒻᒪᓗ ᐊᒥᓱᑦ ᑐᒃᓯᕋᖅᓯᒪᓪᓗᑎᒃ ᐆᑦᑐᕋᐅᑎᖃᕐᓂᖅ ᑲᔪᓯᖁᔭᐅᓪᓗᓂ. ᑕᐃᒪᓐᓂᖓᓄᑦ, NBDC-ᑯᑦ ᐅᖓᕙᕆᐊᖅᓯᓚᐅᖅᑐᑦ ᐆᑦᑐᕋᐅᑎᒥᒃ ᐃᓱᐊᓄᑦ ᐃᓕᓐᓂᐊᕐᓇᐅᑉ ᐊᕐᕌᒍᐊᓄᑦ (ᑎᑭᓪᓗᒍ ᔫᓂ 30, 2010).  ᐅᖃᐅᓯᐅᓚᐅᖅᑐᖅ ᑖᒃᑯᓇᓐᖓᑦ ᐱᖃᑕᐅᓚᐅᖅᑐᓂᒃ ᐃᓕᓐᓂᐊᕐᕕᓐᓂᒃ ᐃᒪᐃᓕᖓᕗᑦ:

“ᐃᓘᓇᑎᐸᓗᒃ ᐃᓕᓐᓂᐊᓂᖅᑐᐃᑦ ᐃᓕᓐᓂᐊᕐᕕᒻᒥ ᖃᕋᓴᐅᔭᒨᖃᑦᑕᖅᑐᑦ ᐊᑕᐅᓯᐊᖅᑐᑎᒃ ᐱᓇᓱᐊᕈᓯᕐᒥ ᐊᒻᒪᓗ ᖃᕋᓴᐅᔭᒃᑯᑦ ᑐᑭᓯᒋᐊᖅᕕᖓᓂᒃ ᐊᑐᖅᐸᑦᑐᑎᒃ.”

“ᐅᖃᑦᑎᒍᓐᓇᖏᑕᒃᑲ ᐃᓕᓴᐃᔨᐅᖃᑎᒃᑲ, ᑭᓯᐊᓂᓕ ᐅᕙᓐᓄᑦ ᐊᒃᓱᒻᒪᕆᐊᓗᒃ ᐃᑲᔪᕐᓂᖃᖅᓯᒪᔪᖅ ᐃᓪᓗᕈᓯᕐᓂ ᐃᓕᓴᐃᑎᓪᓗᖓ, ᖃᐅᔨᓴᕐᓂᕐᒧᑦ ᐊᒻᒪᓗ ᑐᓴᐅᒪᖃᑦᑕᐅᑎᓕᕆᓂᕐᒧᑦ. ᐆᑦᑑᑎᒋᓗᒍ, ᐃᓕᓐᓂᐊᕐᑎᑦᑎᕋᑖᓚᐅᖅᑐᖓ ᐊᑐᖅᑐᖓ ᖃᕋᓴᐅᔭᒃᑯᑦ ᐋᖅᑭᒃᓯᒪᔪᓂᒃ ᓇᓗᓇᖅᑐᓕᕆᔾᔪᑎᓂᒃ ᑕᒪᓐᓇᓗ ᐊᑲᐅᓪᓚᕆᓚᐅᖅᐳᖅ ᐊᑐᕈᓐᓇᕐᓂᕆᔭᕋ ᐊᐅᓚᔫᑎᒍᑦ ᐊᑦᔨᓕᐅᖅᓯᒪᔪᓂᒃ ᖃᕋᓴᐅᔭᒃᑯᑦ ᓇᓗᓇᐃᖅᓯᒐᓱᐊᖅᑎᓪᓗᖓ ᑕᑯᔭᐅᖁᔭᓐᓂᒃ. ᐊᑦᔨᒋᖏᐹᓪᓕᐅᑎᒋᒻᒪᕆᓐᓂᐊᖅᑕᖓ ᐃᓕᓐᓂᐊᖅᑎᐅᔪᓄᑦ ᐊᒻᒪᓗ ᐅᕙᓐᓄᑦ.”

ᓯᕗᓪᓕᖅᐹᒥᒃ ᐃᓱᒪᒋᔭᐅᓚᐅᕐᕋᓗᐊᖅᐳᖅ ᑖᓐᓇ ᖃᐅᔨᓴᐅᑕᐅᔪᖅ ᐊᑐᓕᕐᓂᐊᕐᕋᓱᒋᔭᐅᓪᓗᓂ ᑖᒃᑯᓄᖓᓕᒫᖅ 42-ᖑᔪᓄᑦ ᐃᓕᓐᓂᐊᕐᕕᓐᓄᑦ. ᑭᓯᐊᓂᓕ ᑮᓇᐅᔭᖃᖏᓂᕐᒧᑦ ᐃᓪᓗᕈᓯᕐᒧᑦ ᐊᖅᑯᑎᖃᑦᑎᑦᑎᓂᕐᒧᑦ ᑖᒃᑯᓇᓐᖓᑦ ᓄᓇᕗᑦ ᒐᕙᒪᒃᑯᑦ ᐃᓕᓐᓂᐊᖅᑐᓕᕆᔨᒃᑯᖏᓐᓂᑦ ᐊᕐᕌᒍᐊᓄᑦ 2010-2011 ᐃᓕᓐᓂᐊᕐᓇᐅᑉ, ᑖᓐᓇ ᐱᓕᕆᐊᕐᖑᔪᖅ ᐃᓱᒪᒋᔭᐅᕗᖅ ᐱᒋᐊᒃᑲᓂᕐᓂᐊᕋᓱᒋᔭᐅᓪᓗᓂ ᑭᖑᓂᖔᖓᒍᑦ. ᐱᒻᒪᕆᐅᑎᑕᐅᒻᒪᑦ ᑖᒃᑯᐊ ᐃᓕᓐᓂᐊᖅᑐᑦ ᓄᓇᕗᑦ ᐃᓕᓐᓂᐊᖅᕕᖏᓐᓂ ᓯᕗᓪᓕᖅᐸᐅᑎᑕᐅᔭᕆᐊᖃᕐᓂᖏᑦ ᐊᒃᑐᐊᖃᑎᒌᒍᓐᓇᖅᓯᓂᕐᒧᑦ ᑖᒃᑯᓇᓐᖓᑦ NBDC ᐊᒻᒪᓗ ᑕᒪᓐᓇ ᐃᓚᒋᒻᒪᕆᑦᑐᓂᐅᒃ ᑲᔪᓯᕙᓪᓕᐊᓂᐅᔫᑉ ᐱᖁᑎᕐᔪᐊᓕᕆᓂᕐᒧᑦ II ᐱᓕᕆᐊᕐᖑᔫᑉ, ᑲᔪᓰᓐᓇᓂᐊᖅᐳᒍᑦ ᑖᓐᓇ ᐱᓪᓚᑦᑖᖑᖁᓪᓗᒍ.

ᐅᓪᓗᒥᒧᑦ ᑎᑭᑦᑐᒍ ᖃᓄᐃᓕᐅᖅᑕᐅᓯᒪᔪᑦ ᑎᓯᐱᕆ 2009

ᓄᑖᖅ ᕿᓂᖅ ᖃᕋᓴᐅᔭᓕᕆᔾᔪᑎ ᐊᑐᓕᖅᑕᐅᓂᐊᖅᑐᖅ ᑎᓯᐱᕆ 11-ᐸᖑᓕᖅᐸᑦ!
ᓄᓇᖃᑦᑎᐅᔪᑦ ᓄᓇᓕᓐᓂ ᓄᓇᕗᒻᒥ ᒫᓐᓇᕈᓗᒃ ᐊᑲᐅᓂᖅᓴᒥᒃ ᐊᑐᕈᓐᓇᓂᐊᖅᐳᑦ ᐋᖅᑭᒋᐊᖅᓯᒪᓂᖅᓴᐅᔪᒥᒃ ᑖᒃᑯᑎᒎᓇ ᕿᓂᖅ ᖃᕋᓴᐅᔭᒃᑯᑦ ᐱᔨᑦᑎᕋᐅᑎᖏᑎᒍᑦ, ᖁᔭᓕᓪᓗᑕ ᐃᓚᐅᖃᑕᐅᔪᓐᓇᕐᓂᖏᓐᓄᑦ ᑲᓇᑕᐅᑉ ᒐᕙᒪᖓ, ᓄᓇᕗᑦᒥ ᓱᒃᑲᔪᒃᑯᑦ ᖃᕋᓴᐅᔭᓕᕆᓂᕐᒧᑦ ᐱᕙᓪᓕᐊᔪᓕᕆᔨᒃᑯᑦ ᑎᒥᖓᑦ (NBDC), ᐊᒻᒪᓗ ᐊᐅᓚᑦᑎᔨᐅᔪᖅ ᕿᓂᖅ ᐱᓕᕆᔾᔪᑎᖏᓐᓂᒃ, SSi Micro ᓕᒥᑎᑦ.

ᐱᖓᓱᑲᓴᓐᓄᑦ ᑕᖅᑭᓄᑦ, SSi -ᑯᑦ ᓴᓇᔪᓕᕆᔨᖏᑦ ᐊᐅᓚᖃᑦᑕᖅᓯᒪᕗᑦ ᓄᓇᓕᓐᓄᑦ, ᓄᑖᓐᖑᕆᐊᖅᑎᕆᓪᓗᑎᒃ ᓄᓇᓕᓐᓂ ᐱᔨᑦᑎᕋᐅᑕᐅᔪᓂᒃ, ᐋᖅᑭᓱᐃᓪᓗᑎᒃ ᓄᑖᓂᒃ ᓈᒪᔾᔪᑎᖓᓂᒃ, ᐸᓕᐊᓐᖑᐊᑦ ᖃᖓᑦᑕᖅᑎᑕᐅᓯᒪᔪᒧᑦ ᑎᒃᑯᐊᑐᕐᓂᖏᑦ ᐋᖅᑭᒋᐊᖅᑕᐅᓗᑎᒃ ᐊᒻᒪᓗ ᐱᓕᕆᐊᕐᕆᕙᑦᑕᒥᓂᒃ ᐱᓕᕆᓪᓗᑎᒃ. ᑎᓯᐱᕆ 11-ᐸᖑᓕᖅᐊᑦ ᓄᑖᓐᖑᕆᐊᖅᑕᐅᓂᖓ ᐱᐊᓂᒃᑕᐅᓂᐊᓕᖅᑐᖅ ᐊᒻᒪᓗ ᑖᓐᓇ ᓄᑖᖅ ᖃᕋᓴᐅᔭᓕᕆᔾᔪᑎ ᐊᑐᖅᑕᐅᓕᕐᓂᐊᖅᑐᓂ! ᑖᓐᓇ ᓄᑖᖅ, ᐊᑲᐅᓂᖅᓴᐅᓂᐊᖅᑐᖅ ᕿᓂᖅ ᖃᕋᓴᐅᔭᓕᕆᔾᔪᑎ ᑐᑭᖃᑉᐳᖅ:

• ᖃᖓᑦᑕᖅᑎᑕᐅᓯᒪᔪᒃᑯᑦ ᓴᓐᖏᓂᖅᓴᐅᓕᕐᓗᓂ ᐃᑲᔪᖅᑕᐅᓂᖅᓴᐅᓂᐊᕐᒪᑕ ᐱᔨᑦᑎᖅᑕᐅᔪᑦ
• ᐋᖅᑭᐹᓪᓕᖅᑎᕆᓂᖅ ᓱᒃᑲᓂᖏᑎᒍᑦ, ᐱᓗᐊᖅᑐᒥᒃ ᐱᔭᒃᓴᖃᑦᑐᒻᒪᕆᐊᓘᖃᑦᑕᑎᓪᓗᖏᑦ ᐃᑲᕐᕋᓂ
• ᐅᓄᕐᓂᖅᓴᓂᒃ ᐊᖏᓂᖅᓴᓂᓪᓗ ᐱᑕᖃᕈᓐᓇᓂᖅᓴᐅᓕᕐᓗᓂ ᖃᕋᓴᐅᔭᒃᑰᑎᓐᓇᓱᒃᑕᒥᓐᓂᒃ
• ᐊᓯᐅᑦᑕᖏᓐᓂᖅᓴᐅᓕᕐᓗᓂ

ᐊᒻᒪᓗᒃᑕᐅᖅ, SSi-ᑯᑦ ᓱᒃᑲᓕᒃᑎᑦᑎᕚᓪᓕᖅᓯᒪᓕᖅᑐᑦ ᐊᒻᒪᓗ ᐊᑐᖅᑕᐅᓂᖓ ᒪᓕᓪᓗᒍ 50% ᐊᓯᒃᑲᓐᓂᐊᓂᒃ ᐊᑭᖃᖏᑦᑐᓂ. ᑐᑭᓯᒃᑲᓐᓂᕈᒪᔪᖃᑉᐸᑦ, ᑕᑯᓗᒍ http://www.qiniq.com/christmas-story.

ᑲᓇᑕᐅᑉ ᒐᕙᒪᖓ ᐊᒻᒪᓗ ᑖᒃᑯᐊ SSi-ᑯᑦ ᐊᑐᓂᒃ ᑮᓇᐅᔭᖃᑦᑎᑦᑎᔪᑦ $750,000-ᓂᒃ ᑕᒪᓐᓇ ᓄᑖᖅ ᐊᑐᓕᖅᑕᐅᔪᓐᓇᖁᓪᓗᒍ. ᑖᓐᓇ ᓇᐃᓴᐅᑦ ᐃᓚᒃᑲᓐᓂᕆᕚ ᑖᒃᓱᒪ $9.33 ᒥᓕᐊᓐ ᓴᖅᑭᑕᐅᓚᐅᖅᑑᑉ ᑲᓇᑕᐅᑉ ᒐᕙᒪᖓᑕ ᓂᐅᕕᕐᓂᕐᒧᑦ ᖃᖓᑦᑕᖅᑎᑕᐅᓯᒪᔪᒃᑯᑦ ᐊᑐᕈᓐᓇᐅᑎᓂᒃ ᓄᓇᕗᑦᒥ. ᑖᒃᓱᒪ ᑮᓇᐅᔭᖃᑦᑎᑕᐅᓂᕆᓚᐅᖅᑕᖓᑕ ᐊᑦᔨᖓᓂᒃ ᓴᖅᑭᑦᑎᓂᐊᕐᕆᕗᑦ SSi-ᑯᑦ ᐊᒻᒪᓗ ᐱᔨᑦᑎᖅᑕᐅᔪᓂᒃ ᑮᓇᐅᔭᑦ ᑎᒍᔭᐅᔪᑦ ᑲᑎᓪᓗᒋᑦ ᐊᑐᖅᑕᐅᓂᐊᖅᑐᑦ ᐅᖓᑖᓃᓐᓂᐊᖅᐳᑦ $18.5 ᒥᓕᐊᓐ ᑮᓇᐅᔭᑦ ᐊᑐᖅᑕᐅᓂᐊᖅᑐᑦ ᔫᓐ 2012 ᑎᑭᓪᓗᒍ. ᑖᒃᑯᐊ ᓇᓗᓇᐃᖅᑕᐅᓯᒪᔪᑦ ᑮᓇᐅᔭᑦ ᐊᑐᖅᑕᐅᓂᒃᓴᖏᑦ ᐃᓚᒋᕚ ᐱᓕᕆᔾᔪᑎᓄᑦ ᐊᖏᓂᖅᓴᐅᔪᓄᑦ II ᐱᓕᕆᐊᖑᓇᓱᐊᖅᑐᒧᑦ ᑕᒪᓐᓇᓗ ᐊᔪᕈᓐᓃᑎᑦᑎᕗᖅ ᑖᒃᑯᐊ ᕿᓂᒃᑯᑦ ᐱᑕᖃᑦᑎᑦᑎᔪᓐᓇᖁᓪᓗᒋᑦ ᖃᖓᑦᑕᖅᑎᑕᐅᓯᒪᔪᒃᑯᑦ ᖃᕋᓴᐅᔭᓕᕆᓂᕐᒥᒃ ᐊᑭᑐᓗᐊᖏᑦᑐᒥᒃ ᐊᒻᒪᓗ ᐅᓄᖅᓯᕙᓪᓕᐊᔪᓐᓇᖁᓪᓗᒋᑦ ᑭᒃᑯᑐᐃᓐᓇᐃᑦ ᐃᓚᐅᔪᓐᓇᖅᑐᑦ ᑎᑭᓪᓗᒍ 6800 ᐊᕐᕌᒎᑉ ᑮᓇᐅᔭᖅᑐᓂᕐᒧᑦ ᐃᓱᐊᓄᑦ 2012-2013. ᐅᖓᑖᓂᓕ ᐱᑕᖃᒃᑲᓐᓂᕆᐊᖃᕈᒫᖅᐳᖅ ᖃᖓᑦᑕᖅᑎᑕᐅᓯᒪᔪᒃᑯᑦ ᓴᓐᖏᓂᖓᓂᒃ.

ᐅᓪᓗᒥᒧᑦ ᑎᑭᓪᓗᒍ ᖃᓄᐃᓕᐅᖅᑕᐅᓯᒪᔪᑦ ᓅᕖᕙ 2009

ᕿᓂᖅ ᖃᕋᓴᐅᔭᓕᕆᔾᔪᑎ ᐅᓪᓗᒥᒨᖓᓕᖅᑎᓯᒪᔪᑦ
ᐃᓚᒋᓪᓚᕆᒃᑭᕚ ᑕᒪᑐᒥᖓ ᐱᖁᑎᕐᔪᐊᓄᑦ II ᐱᓕᕆᐊᖑᓇᓱᐊᖅᑑᑉ, ᐊᓯᐊᒎᖓᓪᓗᓂ ᓄᑖᖑᔪᑦ ᐱᔨᑦᑎᕋᐅᑕᐅᔪᑦ ᓈᒻᒪᓂᖅᐹᒃᑯᑦ, ᓄᓇᓕᒃᑎᒎᑦᑎᑦᑎᓂᖅ, ᖃᕋᓴᐅᔭᒃᑯᑦ ᑲᑎᓂᖅ ᐊᒻᒪᓗ ᐃᓕᓐᓂᐊᕐᕕᒻᒥ ᐊᒃᑐᐊᑎᑦᑎᔪᓐᓇᕐᓂᖅ, ᑖᓐᓇᐅᕗᖅ ᕿᓂᖅ 2000+. ᑕᒪᓐᓇ ᐃᓚᖃᑉᐳᖅ ᑮᓈᐅᔭᓂᒃ ᐊᑐᕆᐊᖃᕐᓂᕐᒥᒃ $9,330,000 ᑲᓇᑕᒥ ᐱᖁᑎᕐᔪᐊᓕᕆᔨᒃᑯᓐᓂᑦ ᓂᐅᕕᕐᓂᕐᒧᑦ ᐱᔭᕆᐊᖃᓪᓚᕆᑦᑐᓂᒃ ᖃᖓᑦᑕᖅᑎᑕᐅᓯᒪᔪᒃᑯᑦ ᐊᔪᓐᖏᔾᔪᑎᓂᒃ ᑖᒃᑯᓄᖓ ᕿᓂᖅ ᐱᓕᕆᕝᕕᖏᓐᓄᑦ, ᑕᒪᓐᓇᓗ ᑕᐅᓴᖏᓐᓃᑦᑐᓄᑦ ᐊᑐᖅᑕᐅᓪᓗᓂ ᒫᓐᓇᐅᔪᖅ ᐃᓚᒋᔭᐅᔪᓄᑦ. ᐊᒻᒪᓗᒃᑕᐅᖅ ᓄᑖᕈᖅᑎᑦᑎᒋᐊᕐᓂᕐᒥᒃ ᑖᒃᑯᐊ ᕿᓂᖅ ᐱᖁᑎᖏᓐᓂᒃ ᓄᓇᓕᓐᓂ 25-ᖑᔪᓂ ᓄᓇᕗᑦᒥ.

ᕿᓂᕐᒥᒃ ᐊᐅᓚᑦᑎᔨᐅᔪᖅ SSI Micro ᓇᓗᓇᐃᖅᓯᓯᒪᕗᖅ ᐊᑐᖅᑕᐅᑲᓐᓂᕈᓐᓇᖅᑐᓂᒃ ᖃᖓᑦᑕᖅᑎᑕᐅᓯᒪᔪᒃᑯᑦ ᖃᕋᓴᐅᔭᓕᕆᔾᔪᑎᓂᒃ. SSI -ᑯᑦ ᐅᐊᔭᓕᕆᔨᖏᑦ ᓄᑖᓐᖑᖅᑎᕆᒋᐊᓯᓚᐅᖅᐳᑦ ᓯᑎᐱᕆᒥ ᐊᒻᒪᓗ ᑲᔪᓰᓐᓇᓂᐊᖅᑐᑎᒃ ᓄᓇᓕᓐᓄᐊᖃᑦᑕᕐᓗᑎᒃ ᓄᓇᓕᓕᒫᑦ ᐱᔭᕇᖅᑕᐅᓇᓱᓐᓂᖏᓐᓂ. ᐊᑦᔨᒌᖏᑦᑐᓂᒃ ᓄᓇᓕᓐᓂ ᐱᓕᕆᐊᖃᖃᑦᑕᓂᐊᖅᐳᑦ, ᐱᓕᕆᐊᕐᕆᔭᐅᖏᓐᓇᕆᐊᓕᓐᓂᒃ ᐱᓕᕆᐊᖃᓪᓗᑎᒃ ᐊᒻᒪᓗ ᒫᓐᓇᐅᔪᖅ ᐱᓕᕆᔾᔪᑕᐅᔪᓂᒃ ᐸᓕᐊᓐᖑᐊᓂᓪᓗ ᑎᒃᑯᐊᖅᓯᒪᓂᖏᓐᓂᒃ ᐋᖅᑭᒃᓱᐃᓗᑎᒃ, ᓄᑖᓂᓪᓗ ᐱᓕᕆᔾᔪᑕᐅᓂᐊᖅᑐᓂᒃ ᐃᓕᐅᖅᑲᐃᓗᑎᒃ ᐱᕚᓪᓕᐅᑕᐅᓂᐊᖅᑐᓂᒃ ᖃᕋᓴᐅᔭᒃᑯᑦ ᐱᓕᕆᔾᔪᑕᐅᕙᑦᑐᓂᒃ ᐊᒻᒪᓗ ᐊᑐᖅᑕᐅᔪᒫᓐᓂᐊᖅᑐᓂᒃ ᐱᔨᑦᑎᕈᑎᓄᑦ ᓄᑖᓄᑦ. ᓄᓇᓕᓐᓂ 7-ᐸᓂ ᑕᒪᓐᓇ ᐊᑐᖅᑕᐅᔾᔪᑎᖓ ᑕᑕᖁᒥᓗᐊᖅᑎᓪᓗᒍ, ᐃᓚᓯᓂᐊᖅᐳᑦ ᑐᓐᖓᕕᐅᔪᓂᒃ ᑕᒪᒃᑯᐊ ᐃᓚᒋᔭᐅᔪᒪᔪᑦ ᐱᕕᖃᕈᓐᓇᖁᓪᓗᒋᑦ ᑖᒃᓱᒧᖓ ᓄᓇᓕᓐᓂᑦᑐᒧᑦ ᐸᓕᐊᓐᖑᐊᒧᑦ ᐊᒃᑐᐊᔪᓐᓇᖅᓯᖁᓪᓗᒋᑦ. ᑕᒪᒃᑯᐊᓕᒫᑦ ᐱᓕᕆᐊᒃᓴᐃᑦ ᐱᔭᕇᖅᑕᐅᓂᐊᕐᕋᓱᒋᔭᐅᕗᑦ ᑎᓯᐱᕆ 2009, ᑕᐃᒃᓱᒪᓂᓗ ᑕᒪᓐᓇ ᐋᖅᑭᒋᐊᖅᓯᒪᓕᖅᑐᖅ ᕿᓂᖅ ᐊᑐᖅᑕᐅᔪᓐᓇᕐᓂᖓ ᐊᑐᓕᖅᑎᑕᐅᓗᓂ ᑕᒪᒃᑯᐊᓗ ᑕᒪᑐᒥᖓ ᐊᑐᖃᑦᑕᖅᑐᑦ ᐅᑦᔨᕈᓱᓐᓂᐊᖅᐳᑦ ᐱᔨᑦᑎᖅᑕᐅᓂᖓ ᐱᐅᓯᕚᓪᓕᕐᓂᖓᓂᒃ.

ᐅᓪᓗᒥᒧᑦ ᑎᑭᓪᓗᒍ ᖃᓄᐃᓕᐅᖅᑕᐅᓯᒪᔪᑦ ᑕᑯᒋᐊᖅᑕᐅᔪᓐᓇᖅᐳᑦ ᐊᒻᒪᓗ ᖃᓄᐃᓕᐅᖅᓯᒪᒻᒪᖔᑕ ᑕᕝᕘᓇ ᕿᓂᐅᑉ ᓇᓗᓇᐃᒃᑯᑕᖃᕝᕕᖓᒍᑦ www.facebook.com/qiniq.

ᓄᑖᑦ ᐊᑐᖅᑕᐅᔪᓐᓇᖅᑐᑦ ᐊᑐᓕᖅᑎᑕᐅᕙᓪᓕᐊᓂᐊᖅᑐᑦ
ᓄᑖᕈᕆᐊᖅᓯᒪᔪᖅ ᕿᓂᖅ ᐊᑐᓕᖅᑎᑕᐅᑉᐸᑦ, ᑖᒃᑯᐊ ᓄᑖᑦ ᐱᔨᑦᑎᕋᐅᑕᐅᔪᑦ ᓈᒻᒪᓯᑦᑕᕐᓂᖓ, ᓄᓇᓕᓐᓂᒃ ᐊᒃᑐᐊᑎᑦᑎᓂᖅ, ᖃᕋᓴᐅᔭᒃᑯᑦ ᑲᑎᓂᖅ ᐊᒻᒪᓗ ᐃᓕᓐᓂᐊᕐᕕᒻᒥ ᐊᒃᑐᐊᑎᑦᑎᔪᓐᓇᕐᓂᖅ ᐊᑐᓕᖅᑎᑕᐅᕙᓪᓕᐊᓂᐊᖅᐳᑦ ᐱᒋᐊᕐᓗᓂ ᑎᓯᐱᕆᒥ ᐊᒻᒪᓗ ᓯᕗᓪᓕᖅᐸᑦ ᑕᖅᑮᑦ ᐱᖓᓱᑦ 2010-ᒥ. ᒫᓐᓇᓕ, ᓂᐱᓕᐅᖅᓯᒪᔪᒃᑯᑦ ᖃᐅᔨᓴᖅᑐᖃᑉᐸᓪᓕᐊᒋᕗᖅ ᐊᒻᒪᓗ ᐊᑐᖅᑕᐅᓇᓱᐊᖅᑐᑎᒃ ᑕᒫᓂ ᐃᓕᓐᓂᐊᕐᕕᓐᓂ ᐊᒃᑐᐊᑎᑦᑎᔪᓐᓇᕐᓗᑎᒃ ᓄᑖᖑᔪᒥᒃ ᖃᐅᔨᓴᖅᑕᐅᔪᒥᒃ ᐃᓕᓐᓂᐊᕐᕕᓐᓂ ᓄᓇᓕᓐᓂ ᑕᓪᓕᒪᓂ 6-ᓯᓂᓘᓐᓃᑦ ᐸᕐᓇᒃᑕᐅᒋᕗᖅ ᑕᒪᓐᓇ ᐱᒋᐊᕐᓂᐊᖅᑐᓂᒃ ᑎᓯᐱᕆᒥ.

ᖃᖓᑦᑕᖅᑎᑕᐅᓯᒪᔪᒃᑯᑦ ᓴᓐᖏᓂᖓ
ᓄᑖᑦ ᐱᔨᑦᑎᕋᐅᑕᐅᓂᐊᖅᑐᑦ ᓈᒻᒪᓂᖅᐹᒃᑯᑦ, ᖃᕋᓴᐅᔭᒃᑯᑦ ᑲᑎᓂᖅ ᐊᒻᒪᓗ ᐃᓕᓐᓂᐊᕐᕕᒻᒥ ᐊᒃᑐᐊᑎᑦᑎᔪᓐᓇᕐᓂᖅ ᐊᑐᓂᒃ ᓇᓗᓇᐃᖅᓯᒪᔪᒥᒃ ᐊᑐᖅᕕᖃᕐᓂᐊᖅᐳᑦ. ᑕᒪᒃᑯᐊ ᖃᕋᓴᐅᔭᒃᑯᑦ ᑲᑎᓂᖅ ᐊᒻᒪᓗ ᐃᓕᓐᓂᐊᕐᕕᒻᒥ ᐊᒃᑐᐊᑎᑦᑎᔪᓐᓇᕐᓂᖅ ᐊᑐᖅᑕᐅᔪᓐᓃᕋᐃᒻᒪᑕ, ᓱᕐᓗ ᐅᓐᓄᒃᑯᑦ, ᑖᓐᓇ ᐊᑐᕋᔭᓐᖑᐊᓚᐅᖅᑕᖓᑦ ᐃᒻᒥᓂᒃ ᐋᖅᑭᑲᐅᑎᒋᒐᔭᖅᐳᖅ ᑐᕌᖓᖔᓕᕐᓗᓂ ᓇᒻᒪᓂᖅᐹᒃᑯᑦ ᐊᑐᕆᐊᓕᓐᓄᑦ. ᑎᑎᕋᐅᔭᖅᓯᒪᔪᖅ ᑐᑭᓕᐅᔾᔨᕗᖅ ᓲᕐᓗ ᖃᖓᑕᓲᒥᒃ ᐃᒃᓯᕙᐅᑕᐃᑦ ᐃᓂᒃᓴᕆᔭᐅᔪᑦ ᐅᓂᒃᑳᖅᑕᐅᓪᓗᓂ ᑖᓐᓇ ᑐᑭᓯᕚᓪᓕᕈᑕᐅᓂᐊᕐᒪᑦ.

AIRLINE DIAGRAM 1

ᖃᖓᑦᑕᖅᑎᑕᐅᓯᒪᔪᒃᑯᑦ ᐱᕕᖃᑦᑎᑕᐅᓂᖅ ᑖᒃᑯᓄᖓ ᓄᑖᖑᔪᓄᑦ ᐱᔨᑦᑎᕋᐅᑎᓄᑦ ᐊᖏᓪᓕᕙᓪᓕᐊᓂᐊᖅᐳᖅ ᐊᕐᕌᒍᑦ ᐱᖓᓱᑦ ᐊᑐᖅᑎᓪᓗᒋᑦ ᑕᒪᒃᑯᐊ ᐱᖁᑎᕐᔪᐊᓄᑦ II ᑮᓇᐅᔭᖅᑑᑎᔅᓴᖏᑦ ᐊᑐᓕᖅᐸᓪᓕᐊᑎᓪᓗᒋᑦ ᐊᒻᒪᓗ ᐊᑐᖅᑕᐅᓕᖅᐸᓪᓕᐊᑎᓪᓗᒋᑦ. ᑕᒪᓐᓇ ᑎᑎᕋᐅᔭᖅᓯᒪᔪᒃᑯᑦ ᓇᓗᓇᐃᖅᑕᐅᕗᖅ.

AIRLINE DIAGRAM 2

ᐅᓪᓗᒥᒧᑦ ᑎᑭᓪᓗᒍ ᖃᓄᐃᓕᐅᖅᑕᐅᓯᒪᔪᑦ ᔪᓚᐃ 2009

ᐱᖁᑎᕐᔪᐊᓄᑦ II ᐱᓕᕆᓂᕐᒧᑦ- - RFP ᖃᐅᔨᓴᕈᑎᒥᓃᑦ
ᕖᕗᐊᓕ 23-ᖑᑎᓪᓗᒍ, ᒪᓕᒃᑐᑎᒃ ᐊᕐᕌᒍᓄᑦ ᑕᓪᓕᒪᓄᑦ, $43 ᒥᓕᐊᓐ ᑐᓂᕐᕈᑎᓄᑦ ᐊᖏᖃᑎᒌᒍᑎᒥᒃ ᑖᒃᑯᐊ NBDC-ᑯᑦ ᐊᒻᒪᓗ ᑲᓇᑕᒥ ᐱᖁᑎᕐᔪᐊᓕᕆᔨᒃᑯᑦ, ᓴᖅᑮᔪᖃᓚᐅᖅᐳᖅ ᑐᒃᓯᕋᐅᑎᓂᒃ ᐱᔪᒪᔪᓂᒃ ᓄᑖᓄᑦ ᐊᑐᖅᑕᐅᓕᕐᓂᐊᖅᑐᓄᑦ. ᑖᒃᑯᐊ ᐱᔨᑦᑎᕋᐅᑎᐅᓇᓱᐊᖅᑐᖅ, ᐸᕐᓇᑕᐅᓯᒪᔪᑦ ᓴᖅᑭᖅᑕᐅᓗᑎᒃ ᐊᒃᑑᕙ 2009-ᒥ, ᐅᑯᐊᖑᕗᑦ:

• ᓈᒻᒪᓂᖅᐹᒃᑯᑦ. ᑕᒪᓐᓇ ᐊᑐᖅᐸᑦᑐᓂᒃ ᐱᕕᖃᑦᑎᑦᑎᓂᐊᖅᐳᖅ ᓅᑎᕆᓗᑎᒃ ᐊᖏᔪᒻᒪᕆᓐᓂᒃ ᑎᑎᖅᑲᓂᒃ ᑕᒪᒃᑮᓐᓄᑦ ᐊᑲᐅᓈᑦᑎᐊᕐᑐᒃᑯᑦ ᐊᐅᓚᑎᑦᑎᔨᒧᑦ ᐊᒻᒪᓗ ᐱᓕᕆᔾᔪᑎᒧᑦ. ᐱᑕᖃᕆᐊᖃᕐᓂᐊᖅᑐᑦ ᐊᖅᑯᑎᓂᒃ ᐊᑐᓂᒃ ᓄᓇᓕᓐᓂ ᑐᖅᑯᐃᕕᐅᓂᐊᖅᑐᒥᒃ ᐊᒻᒪᓗ ᓄᓇᓕᓐᓂ ᐊᑐᖅᑕᐅᔪᓐᓇᓂᐊᖅᑐᒥᒃ ᓯᕗᓂᐊᒍᑦ ᑐᓂᔭᐅᓯᒪᔪᓄᑦ;
  Challenge - Large Files Cannot Be Transferred
  
  Solution:
  
  
  
• ᓄᓇᓕᒃᑎᒎᖅᑎᑦᑎᓂᖅ.ᑖᓐᓇᓕ ᐱᑕᖃᑦᑎᑦᑎᓂᐊᖅᑐᖅ ᐱᓕᕆᔾᔪᑎᒥᒃ ᐃᓗᐊᓂ ᐊᖏᓂᖅᐹᖑᔪᓂ ᓄᓇᕗᑦᒥ ᓄᓇᓕᖏᓐᓂ ᐊᔪᓐᖏᑎᑦᑎᓗᓂ ᐊᑦᔨᒌᖏᑦᑐᓂᒃ ᐱᓕᕆᔨᐅᔪᓂᒃ (ᓲᕐᓗ, ᓄᐊᔅᕕᐊᔅᑎᐅᓪ, ᕿᓂᖅ, ᓄᓇᕗᑦ ᒐᕙᒪᒃᑯᑦ) ᐊᒃᑐᐊᖃᑎᒌᒍᓐᓇᕐᓗᑎᒃ ᓄᓇᓕᓐᓂ ᑕᐃᒪᓐᓇ ᐊᑐᖅᑕᐅᖏᓐᓂᖅᓴᐅᓕᕐᓗᓂ ᖃᖓᑦᑕᖅᑎᑕᐅᓯᒪᔪᒃᑯᑦ ᐊᑐᕐᓂᐅᕙᑦᑐᖅ;
  Challenge - Local Networks Not Connected
  
  Solution:
  
  
• ᖃᕋᓴᐅᔭᒃᑯᑦ ᑲᑎᓂᖅ. ᑖᓐᓇ ᐊᔪᓐᖏᑎᑦᑎᓂᐊᖅᑐᖅ ᐊᑦᔨᒌᖏᑦᑐᑎᒍᑦ ᓂᐱᓕᐅᕆᓂᒃᑯᑦ ᑕᕐᕆᔮᓕᐅᕐᓂᒃᑯᑦ ᑲᑎᒪᓂᕐᒥᒃ ᐊᒻᒪᓗ ᑎᑎᖅᑲᓂᒃ ᑐᓴᖅᑎᑦᑎᓂᕐᒧᑦ ᐱᔨᑦᑎᕈᑎᓂᒃ ᐊᒃᑐᐊᑎᑦᑎᓗᓂ ᐊᑐᖅᐸᑦᑐᓂᒃ ᐊᑕᐅᓯᐅᖃᑎᖃᓐᓂᒃᑯᑦ ᐅᖃᓪᓚᖃᑎᒌᓐᓂᕐᒥᒃ, ᐊᑕᐅᓯᕐᒥᒃ ᐊᒥᓱᓄᑦ ᑲᑎᓐᖓᔪᓄᑦ ᐊᒻᒪᓗ ᐊᒥᓱᓂᒃ ᐊᒥᓱᓄᑦ ᑲᑎᒪᓂᐅᔪᓄᑦ;
  Challenge - Video Conferences Don’t Work In Nunavut
  
  Solution:
  
  
  
• ᐃᓕᓐᓂᐊᕐᕕᒻᒥ ᐊᒃᑐᐊᑎᑦᑎᔪᓐᓇᕐᓗᓂ. ᑖᓐᓇ ᐱᔨᑦᑎᕈᑎ ᓴᓇᔭᐅᓯᒪᔪᖅ ᐃᓚᖃᑦᑐᑎᒃ ᓄᓇᕗᑦ ᒐᕙᒪᒃᑯᓐᓂᑦ ᐊᒻᒪᓗ ᐱᖃᓯᐅᔾᔨᓪᓗᓂ ᖃᖓᑦᑕᖅᑎᑕᐅᓯᒪᔪᒃᑯᑦ ᐊᔪᓐᖏᓐᓂᕆᔭᖓᓂᒃ ᐋᖅᑭᒋᐊᖅᑎᕆᓗᓂ ᐊᒃᑐᐊᑎᑦᑎᓂᕐᒥᒃ ᐃᓪᓗᕈᓯᕐᓄᑦ ᐃᓕᓐᓂᐊᖅᕕᓂ ᓄᓇᕗᑦᒥ.

ᔫᓐ 15-ᖑᑎᓪᓗᒍ ᑖᒃᑯᐊ NBDC ᖃᐅᔨᓴᐃᓂᕐᒧᑦ ᑲᑎᒪᔨᕋᓛᑦ ᕿᒥᕐᕈᓚᐅᖅᑐᑦ ᑐᒃᓯᕋᐅᑎᓂᒃ, ᐊᐱᖅᓱᖃᑦᑕᖅᑐᑎᒃ ᖁᑦᑎᓂᖅᐹᓂᒃ ᐊᑭᑦᑐᕋᐅᑎᓂᒃ ᐊᒻᒪᓗ ᓴᖅᑮᓪᓗᑎᒃ ᐊᑐᓕᖁᔨᔾᔪᑎᒥᓂᒃ ᑖᒃᑯᓄᖓ NBDC ᑲᑎᒪᔨᖏᓐᓄᑦ. ᔫᓐ 25-ᖑᑎᓪᓗᒍ ᑖᒃᑯᐊ NBDC-ᑯᑦ ᑲᑎᒪᔨᖏᑦ ᐱᖁᔨᕗᖔᕈᑎᖃᓚᐅᖅᑐᑦ ᓈᒻᒪᔅᓴᖅᑐᑎᒃ ᐊᑐᓕᖁᔨᔾᔪᑎᓂᒃ, ᓇᐃᓪᓕᒋᐊᖅᑕᐅᓯᒪᔪᑦ ᐅᕙᓂ ᑎᑎᕋᖅᓯᒪᔪᒥ:

“ᑖᒃᑯᐊ ᓄᓇᕗᑦᒥ ᓱᒃᑲᔪᒃᑯᑦ ᖃᕋᓴᐅᔭᓕᕆᓂᕐᒧᑦ ᐱᖁᑎᕐᔪᐊᓄᑦ II ᓄᑖᖅ ᐊᑐᖅᑕᐅᔪᒪᔪᓄᑦ ᐊᑭᑦᑐᕋᐅᑎᓄᑦ ᑐᒃᓯᕋᐅᑏᑦ ᒪᑐᓚᐅᖅᑐᑦ ᐃᐳᕈ 27, 2009-ᒥ. ᑖᒃᑯᐊ ᐊᑭᑦᑐᕋᐅᑎᓄᑦ ᑐᒃᓯᕋᐅᑏᑦ ᖃᖓᑦᑕᖅᑎᑕᐅᓯᒪᔪᒃᑯᑦ ᖃᕋᓴᐅᔭᓕᕆᓂᕐᒧᑦ ᐱᔨᑦᑎᕈᑏᑦ ᑖᒃᑯᓇᓐᖓᑦ ᖃᕋᓴᐅᔭᓕᕆᓂᕐᒧᑦ ᐊᐅᓚᑦᑎᔨᐅᔪᓂᒃ ᐱᔨᑦᑎᕋᐅᑎᖃᕈᓐᓇᖅᑐᓂᒃ ᐃᓘᓇᖏᓐᓂ ᓄᓇᕗᑦᒥ ᓄᓇᓕᖏᓐᓂ. ᐱᖓᓱᑦ ᑎᓴᒪᐅᔪᓂ ᑐᒃᓯᕋᖅᓯᒪᔪᑦ ᓄᑖᓂᒃ ᐊᑐᖅᑕᐅᓕᕈᓐᓇᖅᑐᓂᒃ, ᓄᓇᓕᒃᑎᒎᖅᑎᑦᑎᓂᖅ, ᓇᒻᒪᓂᖅᐋᒃᑯᑦ ᐊᒻᒪᓗ ᐃᓕᓐᓂᐊᕐᕕᒻᒥ ᐊᒃᑐᐊᑎᑦᑎᔪᓐᓇᓂᕐᓗ, ᒪᓕᒃᑎᐊᖅᑐᒥᒃ ᑐᒃᓯᕋᐅᑎᒥᒃ ᐱᔪᖃᓚᐅᖅᑐᖅ ᐊᑕᐅᓯᕐᒥᒃ ᐊᑭᑦᑐᕋᐅᑎᖃᑕᐅᔪᒥᒃ. ᑖᒃᑯᐊ NBDC-ᑯᑦ ᑲᑎᒪᔨᖏᑦ ᐊᖏᖅᓯᓯᒪᓕᖅᑐᑦ ᑳᑦᑐᓛᒃᓯᓂᕐᒧᑦ ᐊᖏᖃᑎᖃᕋᓱᐊᕐᓂᕐᒥᒃ ᑖᒃᑯᓂᖓ ᐊᑭᑦᑐᕋᐅᑎᔨᐅᔪᓂᒃ SSI Micro Ltd. ᑳᑦᑐᓛᒥᓪᓗ ᑐᓂᔭᐅᓗᑎᒃ. ᑖᒃᓱᒧᖓᓕ ᓄᑖᒧᑦ ᐊᑐᖅᑕᐅᔪᒪᔪᓄᑦ ᖃᕋᓴᐅᔭᒃᑯᑦ ᑲᑎᓂᖅ, ᐊᑕᐅᓯᑯᓗᑐᐃᓐᓇᖅ ᐊᑭᑦᑐᕋᐅᑎᔪᖅ ᑐᓂᓯᓚᐅᖅᑐᖅ ᑐᒃᓯᕋᐅᑎᒥᓂᒃ ᑭᓯᐊᓂᓕ ᑖᓐᓇ ᑐᒃᓯᕋᐅᑎᖓ ᐊᑕᖐᓚᐅᖏᒻᒪᑦ. ᑖᒃᑯᐊ NBDC-ᑯᑦ ᑲᑎᒪᔨᖏᑦ ᐊᖏᕈᑎᖃᓚᐅᖅᑐᑦ ᐊᖏᖃᑎᒌᒐᓱᐊᖃᑎᖃᓪᓗᑎᒃ ᑖᒃᓱᒥᖓ ᐊᑕᐅᓯᕐᒥᒃ ᐊᑭᑦᑐᕋᐅᑎᔪᒥᒃ ᑕᒪᑦᓱᒧᖓ ᖃᕋᓴᐅᔭᒃᑯᑦ ᑲᑎᓂᕐᒧᑦ ᐊᒻᒪᓗ ᓇᓗᓇᐃᖅᑕᐅᓂᐊᖅᐳᑦ ᑐᓴᖅᑕᐅᓗᑎᒃ ᓈᒻᒪᓕᖅᐸᑦ.”

ᐅᓪᓗᒥᒧᑦ ᑎᑭᓪᓗᒍ ᖃᓄᐃᓕᐅᖅᑕᐅᓯᒪᔪᑦ ᔪᓚᐃ 2009

ᐱᖁᑎᕐᔪᐊᓄᑦ ᐱᓕᕆᓂᖅ II - ᓈᓚᑉᐳᒍᑦ ᐃᓕᓐᓂᒃ!

ᐊᑭᑦᑐᕋᐅᑎᓄᑦ ᑐᒃᓯᕋᐅᑎᑦ
ᕖᕝᕗᐊᓕ 23-ᖑᑎᓪᓗᒍ ᐃᓕᑕᕆᔭᐅᓯᒪᔪᒥᒃ ᐊᑭᑦᑐᕋᐅᑎᓄᑦ ᑐᒃᓯᕋᐅᑎᒥᒃ ᓄᑖᖅ ᓂᐅᕕᕐᓂᕐᒧᑦ ᐱᔨᑦᑎᕈᑎᓂᒃ ᓴᖅᑮᔪᖃᓚᐅᕐᒪᑦ. ᑐᒃᓯᕋᐅᑏᑦ ᑐᓂᔭᐅᓚᐅᖅᑐᑦ ᐃᐳᕈ 27-ᐸᒥ. ᓄᑖᑦ ᐱᔨᑦᑎᕈᑏᑦ ᓴᖅᑭᖅᑕᐅᓂᐊᖅᑐᑦ ᐱᒋᐊᓗᓂ ᐊᒃᑑᕙᒥ. ᐱᖃᑎᖃᓪᓗᑎᒃ ᓂᐅᕕᐊᒃᓴᖃᑉᐸᑦᑐᓂᒃ, NBDC-ᑯᑦ ᐱᕚᓪᓕᑎᑦᑎᓂᐊᖅᑐᑦ ᐊᑐᖅᑕᐅᓂᖓᓂᒃ ᖃᖓᑦᑕᖅᑎᑕᐅᓯᒪᔪᒃᑯᑦ ᓴᓐᖏᓂᖓᓂᒃ ᐊᑐᖅᑕᐅᑦᑎᐊᕐᓂᖅᓴᐅᓕᕐᓗᓂ ᑎᓕᐅᕆᓗᑎᒃ ᓄᓇᕗᑦᒥ ᐊᑐᖅᐸᑦᑐᓂᒃ ᐊᑐᖅᑕᐅᓕᖁᓪᓗᒍ ᑖᓐᓇ ᓄᑖᑦ ᐱᔨᑦᑎᕈᑏᑦ.

ᖃᕋᓴᐅᔭᒨᖅᓯᓂᐊᕐᓗᓂ PDF ᐊᑦᔨᖓᓂᒃ ᐅᓪᓗᒥᒧᑦ ᑎᑭᓪᓗᒍ ᖃᓄᐃᓕᐅᖅᓯᒪᓕᕐᒪᖔᑕ ᐃᐳᕈ 2009, ᓇᕿᒍᑦ ᐅᓇ ᐅᕙᒥᓂ.

ILLUSTRATIONS

Infrastructure Phase II Solutions - The following illustrations show the broadband challenges facing Nunavummiut and some of the solutions facilitated by NBDC’s Infrastructure Phase II project.

Challenge 1 – Satellite Dependent Communities

Challenge 2 – Fibre Speeds Promote More Internet Use Globally

Challenge 3 – Local Networks Not Connected
Solution 3 – Local Connect

Challenge 4 – Large Files Cannot Be Transferred
Solution 4 – Time Shift

Challenge 5 – Video Conferences Don’t Work In Nunavut
Solution 5 – Meet Online

Previous Updates

Previous updates are also located in the Download Documents section.

As a not-for-profit corporation set up to serve Nunavut residents, NBDC is eligible to access investment from the Government of Canada for the Nunavut public’s benefit under a program managed by Infrastructure Canada.